عنوان دخولك لمجال الشبكات والاتصالات 2022
الشبكات والاتصالات من اهم المجالات اللي تقدر تلمس اهميتها في العالم اللي احنا عايشين فيه من اول التليفون اللي في ايدك اللي تقدر تكلم اي حد في مصر او خارجها بضغطة على الشاشة لحد المؤتمرات والاحداث العالمية الي بينك وبينها الاف الامتار وبتبقى في الجزء التاني من الكرة الارضية وتقدر تتفرج عليها على التلفزيون وويوصلك البث المباشر في خلال ثواني معدودة.
طب مفيش حد كدا جه في عقله وفكر ولو لثواني هو دا حصل ازاي...!!
ايه هي الطريقة اللي ماشيين عليها ونقلو حاجات بالسرعة دي وفي خلال ثواني بقيت تقدر تتواصل مع اي حد في العالم، لدرجة ان احد الخبراء اطلق علي العالم حاليا انه اصبح مثل قرية صغيرة، كل حاجة دلوقتي بقت واضحة واي حد في اي مكان في العالم يقدر يعرفها؛ وهنا نيجي نتكلم عن الشبكات “network” بفروعها طبعا وفي ناس احسن مني كتير تقدر تستفاد منهم اكنر بس انا هحاول الملك الدنيا الى حد ما.
في طرق كتيرة لنقل المعلومات سواء المعلومات دي كانت فديو مثلا او صوت او مكالمة.... الخ، اي حاجة هتتبعت هنعبر عنها بكلمة معلومات او اشارة، طب هنبعت الكلام دا ازاي يبقى لازم في جهاز ارسال “transmitter” باختصار هو بياخد المعلومة دي مهما كان شكلها وبيحول لشكل تاني يقدر يبعته ويرسله.
طب هيبعته عن طريق ايه..؟ عن طريق قناة “channel” ودي بتبقى مسئولة عن نقل الاشارة من جهاز الارسال “transmitter” الى جهاز الاستقبال “receiver” وفي انواع كتيرة لنقل الاشارة ممكن انقلها عن طريق اسلاك وممكن انقلها بطريقة لاسلكية.
الاسلاك في منها نوعين رئيسين: اول نوع وهو اسلاك النحاس العادية وليها انواع طبعا ممكن تدوروا عليها بس مشكلتها انها بطيئة جدا ومن اوائل الطرق في نقل المعلومات او الاشارة يعني ومش بقت تستخدم الا في حالات صغيرة على حسب وظيفتها وطبعا من مزاياها انها رخيصة جدا وصيانتها سهلة وفي نفس الوقت رخيصة، وتاني نوع من الاسلاك هو ال “Fiber” ودا بق حل تقريبا كل مشاكل الي كنا بنواجهها في الاسلاك النحاس العادية ولكن مفيش حاجة كاملة من غير عيوب غير انها مكلفة كمان صيانتها صعبة جدا واسلاك الفايبر نفسها حساسة لان ال “fiber” نفسه نوع الاشارة اللي بتمشي فيه اشارة ضوئية يعني اي تسريب من السلك معناه فقد جزء من الاشارة يعني مش هتوصل زي مانا بعتها، وكمان في مشكلة في الاسلاك عموما ان الاسلاك اصلا هحطها ازاي وفين بحيث احافظ عليها وممكن تمتد لمسافات واسعة جدا ممكن بين دول، بس الحاجات دي اتحلت برده زي امتداد الخطوط في المحيطات وكدا بس انا بفهمك ان في معاناة شوية في الاسلاك وانها تنفع في الشركات تواصل داخلي اكتر من وجهة نظري من الاستخدامات الاخرى، مع الاحتفاظ بمعلومة انها بستسخدم واثبتت جدارتها واغلب الخطوط حاليا يستخدم فيها “fiber” دليل على نجاحها.
الطريقة اللاسلكية “wireless” ودي انا بفضلها اكتر بحيث اني مش هشيل هم الاسلاك وانهي جزء اللي في عطل، هو مكان الاستقبال ومكان الارسال سواء كان الطريقة اللي هبعت بيها عن طريق القمر الصناعي، او عن طريق ال antenna "ليها علاقة بالشبكات" وفي طرق كتير لارسال والاستقبال اللاسلكي وموضوع كبير جدا، ولكن برده على الرغم انه يبان سهل ولكن في حقيقة الامر معقد شوية لانه بيعتمد اساسيا على الاشعة وترددات ومدى ارتفاع ال satellite والغلطة فيه معناها فشل في الاستقبال.
دي مقالة صغيرة بفتحلك عقلك شوية وبرشحلك كورس CCNA تبدأ بيه basics واساسيات بس ودا هيفيدك جدا انك تفهم شبكات اكتر، وبرده لو حبيت تشتغل technical support هيطلبو الكورس دا وبس كدا الموضوع شيق وجميل للي حابب الموضوع.
