اسهل طرق لتحقيق الارباح والعمل من خلال الانترنت 2022
الانترنت ممكن اعتبره على انه كهف كبير جدا ليه طريقين، الطريق الاول يبان انه منور وسهل ومفيهوش مشاكل ودا اللي بيشد اغلب الناس وهو انك تتصفح على الانترنت من غير الاستفادة منه سواء عن طريق التصفح لتضييع الوقت او الدخول على مواقع مفيش استفادة. اما الطريق التاني هو الطريق المظلم واللي بيتحوي على صعوبات في الاول ولكن بعد كدا وبعد مشي لمدة فيه هتلاقي الكنز منورلك في اخر الطريق وكل اللي تحتاجه هو انك تروح للكنز دا.
العمل في الاسواق الحرة “freelancing” يعتبر هو الكنز اللي بيبحث عنه الشباب سواء لوسيلة تزويد الدخل بالعملة الصعبة او كوسيلة عمل دائم تعتمد عليها من الاجل المعيشة، وهنا هنبدأ نتكلم عن احسن الطرق اللي تقدر تشتغل بيها اونلاين وتحقق مكاسب كبيرة لدرجة انها في مرحلة ما ممكن تستغنى عن الوظيفة او تعتمد عليها كمصدر دخل دائم لك.
1) التداول على المنصات الرقمية:
يعتبر افضل طريقة للعمل من خلال الانترنت وتحقيق مكاسب كبيرة جدا في وقت قليل وعن تجربة شخصية، كل اللي هتحتاجه هو رأس مال بسيط تقريبا (200 جنيه) وتفتح حساب وتبدأ تتداول على المنصات اشهرها : olymp trade, iq option ….etc. وغيرها من المنصات. ولكن لازم تبقى عارف انها برده في نفس الوقت ان ليها نسبة مخاطرة عالية جدا بالمقارنة بالطرق التانية، وعلى اد المخاطرة بيجي المكسب فنصيحتي ليك لازم الاول تتعلم طرق التداول تفهمها الاول وتعرف يعني ايه تداول والتحليلات الفنية وكيفية قراءة المؤشرات وكل حاجة متخصصة بالتداول بحيث لما تقرر تبدأ تعرف تكسب، وتبعد عن اغلب الناس اللي بتخسر كل فلوسها في الموضوع دا وهبقى اكتب مقالة تانية عن اهم النصائح بحيث تبدا تداول صح.
2) الترجمة:
المجال دا مشهور جدا في شغل الاونلاين، فلو انت بتعرف لغة معينة وخصوصا غير الانجليزي مبروك عليك انت معاك مفتاح علي بابا تقدر تحقق من عليه فلوس كتير جدا وبرده الانجليزي شغال بس للامانة لازم تجتهد شوية لان في زيك كتير فلازم شغل اكتر من لو معاك لغة مش مشهورة في مصر زي الالماني والاسباني والايطالي فمن من خلال عرض خدماتكك على مواقع زي freelancer, Upwork, خمسات … وغيرهم لو دورت هتلاقي هتقدر تحقق ارباح كبيرة جدا بس اهم حاجة الصبر وانك تدور في اكتر من موقع.
3) Transcript:
نفس مجال الترجمة بالظبط بس بدل متحول نص تترجمه، بيبقى الموضوع معقد شوية من خلال ان هيديك تسجيل صوتي او فديو تسجيلي ويقلك فرغلي الكلام اللي فيه في هيئة نص كدا، شبه قطع المحادثة في الابتدائية كدا. والشغل دا برده بيحقق مبالغ محترمة واهم موقع للمجال دا هو GoTranscript تقدر تخش عليه بيحاسبك لكل دقيقة شغل واللغة الانجليزية متاحة فيها والشغل كتير كل المطلوب تعدي من الquiz امتحان مصغر اختيارات، وهيديك ارشادات تقرأها وتتطبقها على ريكورد هيبعتهولك وتحوله الى نص مكتوب وبس كدا وفي اقرب وقت بيردو عليك وتبدأ تشتغل معاهم ومش لازم موقع ممكن تعرض الخدمة دي مثلا على موقع للشغل الحر “freelancing”.
4) كتابة التقارير والمقالات:
نقدر نقول المجال دا اقلهم من حيث الربحية ولكن اسهلهم، وزي مقلنا قبل كدا على اد المخاطرة “صعوبة” بتيجي الارباح ودا كل اللي هتحتاجه فيه هو نت وموبايل او لابتوب وتبدأ شغل من عليه من خلال المواقع المختلفة، ولكل عدد معين من المشاهدات بيبدأ يديك فلوس وهكذا، اهم حاجة الاستمرارية وانك تكتب على الاقل مقال في اليوم.
وبكدا اقدر اقول اني جمعتلكو اشهر الطرق المضمونة للعمل من خلال الانترنت، فمش ناقصك حاجة قوم دلوقتي اختارلك حاجة وابدأ اشتغل فيها لقبل العيد عشان تبقى متفرغ وتعرف تتبسط فيه وكل سنة وانتو طيبين عيد سعيد عليكو.
