ما سر تكوين المحافظ الاستثمارية؟ ما لن يخبرك به الاغيناء

كل واحد فينا اللي عايز ينمي ويزود فلوسه وفيه اللي عايز يحفظ قيمة أمواله وفالمقال دا هنعرف اي الأشياء التي يجب مراعتها عند إنشاء محفظة استثمارية

تحديد هدفك الاستثماري  

بعد اما عملنا المحفظة الاستمثارية و قررت ازاي هديرها يبقي لازم اسأل نفسي سؤال ليه عاوزاستثمر و اي هدفي من الاستثمار ودا جزء أساسي من خطتك المالية 

يعني مثلا لو وقفت تاكسي في الشارع مش هيتحرك غير لما يعرف هتروح فين و انت راكب ممكن تقوله ممكن تمشي بسرعة شوية فهيمشي بسرعة او بدخل في طريق مختصر أو لو هو ماشي بسرعة عالية فتقوله بطئ سرعتك شووية لأنك مش مستعجل دا بالظبط تحديد هدفك من الاستثمار. 

لأن دا بساعدنا في أنواع الاستثمارات وتحديد الاصول المناسبة اللي هتضيفها لمحفظتك - هتشتري دهب ولا عقارات ولا أسهم ولا هتمول شركة ناشئة- كل دا هيتوقف على تحديد هدفك الاستثماري. 

الدراسات نفسها بتوضح أهمية تحديد أهداف الاستثمار للنجاح المالي  

" Harvard Business study found that 3% of graduates from their MBA who had their goals written down, ended up earing ten times as much as the other 97% put together, just ten years after graduate" 

يعني هم 3% من الخريجين كانوا محددين أهدافهم المالية بعد التخرج وجدوا انهم بيكسبوا 10 أضعاف 97% اللي لم يحددوا أهدافهم ودا بس بعد 10 سنين من التخرج. 

لذلك لا نحدد أهدافنا من المحفظة الاستثمارية ومنعملش كل حاجه بالبركة كدا وخلاص 

وتقدر تحدد أكتر من هدف استثماري مش هدف واحد فقط بس نحدد الأهداف دي بدقة علشان نعرف نوجه المركب و المحفظة تحقق الأهداف دي. 

الأفق الزمني ( TIME HORIZON) 

دا مقدار الوقت اللي هتحتاج فيه الفلوس اللي مستثمرها - يعني هتحتاج الفلوس بعد وقت قد اي بالظبط. 

وهقدمك بعض الأمثلة لتحديدد الأهداف وفقا لأفق الزمني 

كتير بنسمع عن الاستثمار قصير الأجل أو متوسط الأجل أو طويل الأجل 

قصير الأجل هو الاستثمار أقل من 3 سنين. 

متوسط الأجل هو الاستثمار بين 3 – 10 سنين. 

طويل الأجل هو الاستثمار أكبر من 10 سنين. 

مثال: 

معايا 200 ألف جنيه بس هحاجهم بعد سنتين علشان عايز اتجوز  

(كدا انت حددت الهدف وهو الزواج و الأفق الزمني هو سنتين) 

فالمستشار المالي هيحاول يدير المحفظة في استثمارات قصيرة الأجل علشان تحقق هدف الزواج  

خلال سنتين 

مثال: 

معاك 500 ألف جنيه وعايز تشتري شقة بعد أربع سنين في منطقة ما علشان تتجوز فيها 

فأنت محتاج تظبط المحفظة في استثمارت متوسطة الأجل بعد أربع سنين.وهكذااا 

وحاجة مهمه لازم متنسهاش هي أن الهدف لازم يكون قابل للتحقيق فلا تختار هدف يكون صعب أنه  

يتحقق أو شبه مستحيل 

(لان مش منطقي مثلا لو معاك 50000 جنيه وتقول عايز تشتري شقة بعد سنه) 

فيه مجموعة من الناس تقول أنا عايزة أحفظ قيمة فلوسي بس ودا هدفي الوحيد دلوقتي 

وانها تحفظ أموالها من فأر التضخم ولو عايز تعرف المزيد عن التضخم

فكتبت في مقال سابق عن التضخم  وعلاقته برفع الفوائد الامريكية من هنا

دا بردو ممكن نعتبره هدف ولكن ليس ضمن اهداف الاستثمار 

ودا يخلينا نروح للضلع الثالث اللي علشان عملنا المحفظة الاستثمارية وهو درجة المخاطرة 

يبقي كدا عرفت ان عندي 3 حاجات مهمين لما بعمل محفظة استثمارية 

تحديد الاهداف  

الأفق الزمني  

درجة المخاطرة  

شرحنا أول اتنين فاضل الثالث 

درجة المخاطرة 

كل واحد فينا بتختلف درجة تحمله للمخاطرة 

( واحد معاه 100 ألف وعايز يدخل مشروع بشرط أنه يحقق دخل كبير فأقل وقت دا عنده درجة المخاطرة عالية  

التاني معاه 20 ألف جنيه وكل فترة يقول عايز أعمل مشروع بس خايف أخسر الفلوس دا عنده درجة المخاطرة قليلة جداً) 

لماذا ينبغي ان أعرف بدقة درجة المخاطرة الي اقدر اتحملها؟ 

لأن بمعرفتك درجة المخاطر هتقدر تعرف الأصول والاستثمارات اللي هتربط المحفظة بيهم. 

فيه ارتباط كبير بين المخاطر والعوائد 

لو عايز عوائد كبيرة يبقى درجة المخاطرة كبيرة والعكس صحيح 

تحمل المخاطر بيعتمد على عوامل شخصية و نفسية وليس فيه صح وخطأ 

لأن كل فينا أدري بظروفه النفسية والمالية 

وبكدا نكون عرفنا ازاي نعمل محفظة