كيفية ربح أول 1 دولار من الانترنت؟
كيفية ربح أول 1 دولار من الانترنت؟
دلوقتي انا كلمتك إني جايبلك مصلحة , هتقدر تحقق بيها ارباح يومية لو انت
فاضي , او مش فاضي .. بتشتغل , او مش بتشتغل.. طالب او موظف او كنتي ست بيت ....الخ
وكلمتك كمان انك هتبقي غني.......
امال بقا اية موضوع اني اتعلم ازاي اربح اول 1 دولار من الانترنت
يعني الكلام في الاخر هتعرفني ازاي اكسب واحد دولار بس
ياعم وانا بقولك اهووو مش عايزه
ياصديقي متبقاش متسرع انا هعلمك ازاي تكسب اول واحد دولار
مش ازاي تكسب واحد دولار
طيب واية الفرق.
الفرق ….. انك اول ماتكسب واحد دولار هتبصم بالعشرة ان الربح من الانترنت حقيقي
وهتشتغل اكتر وتقدر تحقق فلوس اكتر يبقي الهدف انك تصدق ان الربح من الانترنت حقيقة مش خيال
وهنبدا مع بعض بربح اول 1 دولار
وبعد كدا بقا ممكن تحقق في الشهر 100 دولار
وممكن تحقق 1000 دولار
وممكن تحقق 10000 دولار .
سيبلي نفسك خالص وتخيل معايا مثلا لو قدرت انك تحقق 1000 دولار في الشهر يعني دخل شهري حوالي 30 الف جنية مصري
يا سلااااااااام اية الحلاوة دة فكر كدا هتعمل اية
هتلاقي نفسك هتعمل حاجات كتير اوووي
انا مش عايزك تتخيل انك تقدر تكسب 10000 دولار من الانترنت كل شهر
ليـــــــــــــــة بقا .
عشان انت مثلا لو قاعد مع اصحابك او اهلك هيفتكروا انك مجنون
من كتر الفرحة والسعادة اللي هتبان علي وشك ههههههههه
فخليك ف1000 دولار معقولة شوية .
طيب كفاية رغي بقا وادخل في الموضوع
كيفية ربح اول 1دولار من الانترنت؟
الموضوع باختصار حضرتك هتكتب مقالة علي الانترنت المقالة ده لو شافها 1000 واحد انت هتكسب 2.5 دولار
يعني لو شافها 500 واحد هتكسب 1.25 دولار وهو ده اللي احنا عايزينه.
طيب الربح ده من اول مقال ولا لازم استني شوية ؟
لاء من اول مقال.
طيب استني معلش عندي سؤال هو اصلا يعني اية مقال
بص ياصديقي مقال يعني كلام
تعالي بقا ابسطهالك بشوية امثلة
طرق ربح اول دولار من كتابة المقال
المثال الاول
حضرتك بتشتغل محامي , وعايز تشتغل وتكتب مقالات
تقدر تكتب عن مثلا
عقوبة السرقة في القانون المصري...... هتكتب ازاي
اول حاجة تخيل اني بسألك (ماهي عقوبة السرقة في القانون المصري)
رد انت بقا ياصديقي وخد راحتك علي الاخر
الرد بتاعك ده شايفه ..... هو ده بقا المقال ...... شفت طلعت سهلة ازاي
المقال بتاعك في الحالة ده هيكون عنوانه (ماهي عقوبة السرقة في القانون المصري)
المثال الثاني
انت بتشتغل سباك
تخيل بردوو اني بسألك (عندي حنفية بتنقط مية اصلحها ازاي)
رد عليا وخد راحتك علي الاخر
وهيكون عنوان المقال بتاعك (طريقة اصلاح حنفية المياة في المنزل)
ناخد مثال تاني للسيدات
المثال الثاني
كل الستات اللي في الدنيا بيعرفوا يطبخوا
يبقا ببساطة كل الستات بردو يكتبوا عن الطبخ
طيب لما كل الستات يكتبوا عن الطبخ امال مين اللي هيقرا ؟
الاجابة ببساطة (كل الستات هتقرا)
طول النهار مشغلين الشيف الشربيني وابن الشيف الشربيني وابن خالة الشيف الشربيني , وفي الاخر (ادبحلك حتة جبنة ياحبيبي , اسخنلك السلطة يامحمووووود)ههههههههههه.
طيب هسألك سؤال اهو ياست الكل
(عايز اطبخ مسقعة اطبخها ازاي؟)
ردي عليا وخدي راحتك علي الاخر , وبكدا هتكوني قدرتي تكتبي مقال
عنوانه (طريقة عمل المسقعة)
احنا كدا اتعلمنا مع بعض ازاي نكتب مقال , وازاي نكتب العنوان وعرفنا اول خطوة في تحقيق اول 1 دولار من الانترنت
طيب دلوقتي عايزين نعرف بقا هنبدا ازاي؟
زي ما اتعلمنا هعتبر انك بتسألني وانا هجاوب عليك
سؤال وجواب عن ربح المال من كتابة المقالات
السؤال الاول
هنكتب المقالات ده فين ؟
السؤال التاني
ازاي اظبط المقال بتاعي عشان اكسب اكتر؟
السؤال الثالث
افرض مافيش حد شاف المقال اعمل اية؟
السؤال الرابع
هقبض فلوسي ازاي؟
اجابة السؤال الاول
هنكتب المقالات بتاعتنا هنا في نفس الموقع اللي احنا فيه دلوقتي
ااااه شايف عينك بتلمع......
دلوقتي انت عرفت اني بكسب دلوقتي حالا وانت بتقرا المقال ...هههههههه كشفتلك اول سر من اسراري
ده دليل اني فعلا جايبلك مصلحة تقدر تكسب منها فلوس من الانترنت.
طيب دلوقتي هتضغط علي الرابط ده
هتفتح معاك صفحة موقع اسمه اموالي
هتلاقي فوق علي الشمال كلمة تسجيل تضغط عليها
اضغط هنا للتسجيل في موقع اموالي
هتفتحك صفحة تكتب في اول خانة اسمك والتانية الاميل والتالتة الرقم السري والرابعة تكتب نفس الرقم السري تاني
تفتح الاميل هتلاقي رسالة تفتحها وتضغط علي التحقق من البريد الالكتروني وبكدا مبروك عليك تقدر تبدا تكتب مقالات
وتربح اول 1 دولار من الانترنت
اجابة السؤال الثاني
ازاي اظبط المقال بتاعي ؟
الموضوع مهم جدا جدا جدا بس انا هبسطهولك علي الاخر
مش احنا اتعلمنا ازاي نجيب فكرة المقال وكمان اتعلمنا نكتب العنوان
بعد العنوان علي طول تكتب مقدمة عبارة عن اية المقدمة ده .
هنتكلم اهو عن المسقعة تاني
هنقول مثلا ..... النهاردا يابنات هنتعلم مع بعض طريقة سهلة جدا لعمل المسقعة
بمكونات بسيطة ومش مكلفة وكمان طعمها حكاية وتقدري تعمليها باللحمة المفرومة او من غير لحمة
ومش هتاخد معاكي اكتر من نص ساعة وكمان تقدري تضيفي عليها لمساتك الخاصة.
.
.
.
كدا المقدمة خلصت حوالي اربع سطور او 5 سطور بتوصف فيهم احنا هنعمل اية .
بعد كدا اية هنعمل اية هنكتب كام جملة كدا ليهم علاقة بالموضوع
زي مثلا
مكونات المسقعة
مقادير المسقعة
لمسات لعمل احلي طبق مسقعة
تقديم المسقعة
شفت دول...... دول بقا اسمهم اية اسمهم العناوين الفرعية
طيب فيه حاجة تاني ......اه فيه حاجة تانية بسيطة جدا
كل عنوان فرعي او عنوان رئيسي
بنكتب تحته شوية كلام نشرح فيه العنوان
شوية الكلام دول بقا اسمهم اية ....اسمهم فقرات
الفقرات ده زي اية مثلا زي المقدمة كدا المقدمة ده فقرة.
يبقا دلوقتي عندنا فكرة المقال وعنوان المقال ومقدمة المقال والعناوين الفرعية والفقرات
بس كدا حلووووو اوووي .
هي ده طريقة تظبيط المقال
كدا انت جاهز لربح اول 1 دولار من الانترنت.
دلوقتي هنجاوب علي السؤال الثالث
افرض مافيش حد شاف المقال اعمل اية ؟
اول حاجة تاخد المقال بتاعك وتنشره علي الفيس بوك وتويتر وانستجرام وغيرهم من مواقع التواصل الاجتماعي
طيب يعني هي الطريقة ده بتجيب نتيجة
نتائج رهيبة ياصديقي
* نصيحة: لا تقم بنشر رابط المقالة في التعليقات في الصفحات او المجموعات إلا عند الحاجة؛ لأن فيس بوك سيعتبر هذا الرابط سبام وسيؤدي كثرة نشر الرابط في التعليقات إلى حظر الرابط الرئيسي للموقع من النشر على فيسبوك.
امال انشر ازاي ؟
انشر علي صفحتك الشخصية او اعمل جروب بيتكلم عن مجالك وابد انشر فيه
ولو عايز تعرف اكتر ازاي تنشر علي مواقع التواصل ابحث علي اليوتيوب
هتلاقي افكار كتير تقدر تنشر بيها وكل ما تتعلم طرق اكتر هتعرف تحقق فلوس
اكتر وتحقق الرقم اللي قولنا عليه لاء مش 1 دولار تحقق 1000دولار من الانترنت
اجابة السؤال الرابع
هقبض ازاي من موقع اموالي
موقع اموالي بيحولك ارباحك علي فودافون كاش واتصالات كاش والبريد المصري والباي بال يعني مش هتغلب عشان تاخد فلوسك
طيب لازم اجمع كام بقا عشان اقبض , 5 دولار
ايوة 5 دولار بس اول ما تجمعهم تقدر تسحبهم .
طيب نرجع بقا نتخيل تاني تخيل عملت مقال وجاب 2000 مشاهدة يبقا انت كدا تقريبا جمعت ال5 دولار من الانترنت مش بس 1 دولار
طيب لو انت بقا نشرت مثلا كل يوم عدد 2 مقال
والبلية لعبت معاك ومقالاتك بتجيب مشاهدات كويسة
ده انت ممكن تكسب مع الوقت ال 1000 دولار مش بس واحد دولار
طيب تخيل كدا لو انت مع الوقت كتبت مقالات وبيجي عليها مشاهدات كويسة وجوا بقا المقالات ده بتبيع منتج معين او بتسوق لمنتج معين
ده كدا الربح هيكون من اتجاهين ربح من كتابة المقالات وربح تاني من عمولة البيع
الخياااال حلوووو صح
بس الحقيقة زي الخيال بالظبط .....
بس لازم تمشي علي الخطوات اللي هقولك عليها
لو لاحظت في كلامي كنت بأكد اوي علي كلمة زيارات كويسة
طيب اعمل اية عشان اجيب زيارات كويسة؟
اول حاجة متستعجلش
تاني حاجة تستمر
بس كدا هو ده المطلوب منك
يعني مش تكتب المقال النهاردا وتستني بكرا تاخد الفلوس
لاء اكتب مقال واتنين و3 و10 و20 وبعدا كدا شوف النتائج
طيب لو النتايج بردوا مش حلوة اعمل اية ؟
الاجابة (تستمر)
لحد ما تقدر تربح اول 1 دولار من الانترنت
بعدها استمر لحد ما توصل ل5 دولار من الانترنت
وبعدها استمر لحد ما توصل ل1000 دولار من الانترنت
كدا انت تقريبا جاهز انك تفهم حاجة مهمة جدا في كتابة المقالات
شايف كلمة ( كيفية ربح اول 1 دولار من الانترنت ) شايفها كويس
تفتكر انا كتبتها كام مرة في المقال
انا عن نفسي ما اعرفش ........
بس كلنا هنقول اه كتبتها اكتر من مرة وباشكال وطرق مختلفة
مرة مثلا .. تحقق اول 1 دولار من الانترنت
ومرة تانية ... تكسب 5 دولار من الانترنت
ومرة تالتة ربح 1000 دولار من الانترنت
عارف لية انا عملت كدا
عشان جوجل يحبني ...هههههههه
لو جوجل حبك الدنيا هتضحكلك
وهيجيلك زيارات كتير جدا
اللي انا عملته ده اسمه الكلمات المفتاحية للمقال
فهمتها صح
يعني كلمات شبه العنوان بتاعي
احاول اضيفها اكتر من مرة في المقال بحيث تكون في صلب الموضوع اللي بتكلم فيه
هي ده اخر حاجة في تظبيط المقال
بالله عليك اية رائيك فيا
هل حسيت وانا بتكلم اني بشرحلك اعقد طريقة تظبط بيها المقال بتاعك
لاء محسيتش بس فهمت والمعلومة وصلت.
ودلوقتي بقا هقولك تجيب الكلمات المفتاحية ده منين
اول طريقة بسيطة جدا
تقعد تسال نفسك لو انا عايز اسال واحد سؤال عن الربح من الانترنت
هقوله اية
مثلا هقول
ازاي اربح فلوس من الانترنت؟
او ممكن اقول عايز
طريقة ربح 1 دولار من الانترنت
او ...او ...او.....الخ
هتجمع الاسئلة ده وتظبطها وتبقا ده الكلمات المفتاحية بتاعتك
طيب فيه طريقة تانية بردو سهلة جدا تقدر تجمع بيها الكلمات المفتاحية
اول حاجة تبحث علي جوجل بعنوان المقال بتاعك
هتلاقي اخوك جوجل بيظهرك كلمات شبة اللي انت كتبتها
هي ده بقا الكلمات المفتاحية بتاعة المقال بتاعك
وبعدها تضغط علي بحث وتنزل كدا لحد مهتلاقي جوجل جايبلك الكلام ده
شايف زي الصور كدا هما دول بردو الكلمات المفتاحية بتاعة المقال اللي انت هتكتبه
وفيه طرق تانية بس كويس اووي انك عرفت دول دلوقتي.
.
.
.
بس انا زعلان منك لاني سألتك قبل كدا اية رائيك فيا وانت مردتش
دلوقتي انا هسألك السؤال ده تاني بس بعد ما اكشفلك عن نفسي وعن شخصيتي الحقيقية………
انت ممكن تكون بتقرا المقال ده دلوقتي وانت اصلا كنت علي الفيس بوك او تويتر مثلا فجاة لقيت نفسك هنا وبتقرا في مقال حوالي 1500 كلمة
قريتهم كلهم وممكن , ممكن يعني تكون استمتعت بطريقة الكتابة
بس الاكيد انك اتعلمت حاجة جديدة بطريقة مبسطة ومفهومة
السر في الموضوع ده ياصديقي... انا اتكلمت بطريقتي بدون ما احاول اذوق الكلام او اكتب باللغة العربية الفصحة
كتبت اللي انا عارفه بس
كاني بكلم واحد صاحبي
بس عملت
عنوان مناسب
ومقدمة ممتازة
وعناوين فرعية
وقسمت المقال لفقرات
واهتميت بالكلمات المفتاحية
ووصلتلك معلومة
وبس كدا.....
ده لينك التسجيل في الموقع
اضغط علية وابد دلوقتي
ياعم انا نسيت احنا اصلا كنا بنتكلم في اية
كنا بنتكلم عن ازاي حضرتك تقدر تحقق اول 1 دولار من الانترنت
ههههههههههههههههه
لحد اخر المقال انا مطبق معاك طريقة الكلمات المفتاحية
بس بقا كدا خلااااص احنا فهمنا
احنا دلوقتي معرفناش انت مين
مش مهم تعرف انا مين انت بعد كدا لو اتقابلنا تاني هتعرفني لوحدك
علي فكرة ده اول مقال ليا هنا
يعني معني الكلام اني معاك وهبدا بردو من الصفر معاك
لحد ما نقدر نحقق اول واح ..............................
هههههههههههههههههههههه
خلااااااص خلااااااااص
اطلع بقا اضغط علي الينك وسجل في الموقع
اضغط هنا للتسجيل في موقع اموالي
بس متنساش بقا تعملي متابعة علي الموقع هنا
