8 خطوات عملية لتسريع موبايلك

 

 

8 خطوات عملية لتسريع موبايلك 

موبايلك بقي بيهنج علي أبسط حاجة؟ الكاميرا بتتأخر والشات بيعلق؟

السبب زي تراكم الكاش وزيادة المساحة والتطبيقات اللي شغالة في الخلفية

الخبر الكويس  : ليها حل إن شاء الله في المقال ده هقولك على 8 خطوات عملية لتسريع موبايلك 

ويلا بينا علي أول خطوة 

1 اقفل التطبيقات اللي شغالة في الخلفية 

التطبيقات اللي شغالة في الخلفية بتهنج التليفون وبستهلك   من البطارية والرام  وفي تطبيقات بتستهلك  من البطارية والرام حتي لو قفلتها 

تعمل ايه : 

ادخل علي  الاعدادات ، وادخل علي التطبيقات، واختار إدارة التطبيقات  وادخل علي التطبيق ، واختار استخدام البطارية ، السماح بنشاط الخلفية لو متفعلة الغي تفعلها ،تحسين استخدام البطارية تحتها اختار تحسين تلقائي.

2 فضي مساحة التخزين 

لو الموبايل مساحته اقتربت من الامتلاء طبيعي هيهنج ويكون بطئ 

الحل : امسح الصور والفيديوهات المكررة في معرض الصور و الواتساب  امسح التطبيقات اللي مش بتستعملها علشان  تقلل مساحة التخزين واعمل تنظيف للموبايل علشان تقلل مساحة التخزين 

3 اقفل اشعارات التطبيقات

 اشعارات التطبيقات بتخلي التليفون يهنج لما تفتح واي فاي أو داتا 

الحل : ادخل علي الاعدادات ، التطبيقات ، إدارة التطبيقات ، اختار التطبيق ،إدارة التنبيهات هتلاقي السماح بالاشعارات لو متفعلة الغي تفعيلها قفل اشعارات التطبيقات بيخلي التليفون ميهنجش لما تفتح إنترنت

 4 شيل الودجتس والخلفيات المتحركة 

الخلفيات المتحركة والودجتس  الكثير علي الشاشة الرئيسية بتسحب من الرام وبتستنزف البطارية 

الحل : خلي خلفية الشاشة ثابتة وشيل أي ودجت مش بتستعملها 

5 اعمل إعادة تشغيل للموبايل مرة كل يوم 

إعادة تشغيل الموبايل بتفضي الرام  وبتقفل التطبيقات اللي معلقة في الخلفية اضغط علي زرار الباور واختار إعادة التشغيل إعادة تشغيل الموبايل بتفضي الرام الموبايل طول ما شغال بيخزن ملفات مؤقتة مع الوقت الرام بتتملي الريستارت بيمسحها كلها  والموبايل يرجع سريع 

6 أعمل تحديث للنظام والتطبيقات 

تحديث النظام بيحسن الأداء ،تحسين التطبيقات بيصلح  التهنيج وبيقلل استهلاك الرام. ادخل علي متجر بلاي وحدث التطبيقات وادخل علي الاعدادات ،ادخل علي هاتفي ،النظام والتحديث ،تحديث البرامج  تحديث الموبايل بيظبط السرعة والبطارية

7 استخدم نسخة Lite  من التطبيقات

 مميزات نسخة Lite

مفيش تهنيج  النسخة اللايت متشال منها كل الانيميشن والحركات، بتشتغل علي النت الضعيف زي شبكة 3G ، مبتسخنش الموبايل اللايت خفيف بالموبايل يفضل بارد.

8 إعادة ضبط المصنع 

لو عملت كل ده والموبايل لسه بطيء اعمل إعادة ضبط المصنع 

مهم : إعادة ضبط المصنع بتمسح كل حاجة علي الموبايل خد نسخة احتياطية لصورك وارقامك قبل ما تعملها 

ادخل علي الاعدادات ،النظام والتحديث ،النسخ الاحتياطي وإعادة التعيين ، إعادة تعيين الهاتف  ،محو كل البيانات 

الخلاصة 

بطء الموبايل أسبابه زي مساحة مليانة وكاش  وملفات مؤقتة كثير وتطبيقات شغالة في الخلفية وتفعيل اشعارات التطبيقات  جرب خطوات 1,2,3   وإن شاء الله الموبايل يتحسن