تطبيقات للهاتف هتغير حياتك للأفضل
في عصر التكنولوجيا أصبح لدينا سلاح قوي ذو حدين، أما أن نستخدمه بشكل صحيح يعزز حياتنا ويحسنها إلي الأفضل أو نترك أنفسنا لمفاسده التي تدمر حياه الكثير من الناس، أنه قطعه من المعدن يسكنها عقل رقمي من صنع الانسان، أنه الهاتف الذكي الذي أصبح في كل مكان، ولهذا سوف نسعي إلي أن تكون اداة قويه ونستخدمها بشكل صحيح، وأن نحاول الابتعاد عن التطبيقات المستهلكه للطاقه والوقت بغير فائده تذكر.
اليوم سوف نقدم افضل التطبيقات المفيده للموبايل هتسهل عليك مهام كتير في حياتك وهتحول الهاتف الذكي الي أداه قويه وجميله.
تطبيق NOTION
تطبيق نوشن من افضل التطبيقات ال هتساعدك إنك تخلي حياتك ذي الكتاب، منظمه ومرتبه وكل فصل فيها معروف تفاصيله، التطبيق هينفع الناس ال محتاجه تنظم حياتها بشكل افضل بكتير وتعرف حياتها ماشيه ازاي ورايحه علي فين، كل حاجه هتتخيلها علشان تنظم حياتك موجوده حرفيآ في التطبيق ده، كل ال انت محتاج تعمله انك تحمل التطبيق وتبدأ تنظم حياتك فعلا .
تطبيق Tick Tick
تطبيق تيك تيك هيساعدك تنظم مهامك اليوميه والعادات ال انت عايز تلتزم بيها في حياتك. طبعا حياتنا مليانه مهام مش بتخلص ولكن لو نظمنا المهام اليوميه هنقدر ننجزها اسرع وبطريقه افضل من إننا نبدأ يومنا وأحنا مش عارفين هنعمل ايه وهنبدا منين ورايحين علي فين. طبعا اداه جميله جدا في تنظيم المهام وتحديد مواعيد بدايه كل مهمه ومواعيد الانتهاء منها.
تقدر كمان تسجل عاداتك اليوميه وتتابع التقدم الخاص بالعادات ومميزات تانيه كتير هتكتشفها وانت بتستخدم التطبيق.
تطبيق Alarmy
التطبيق ده هو الحل للناس ال نومها تقيل، للناس ال بتضغط زر الغفوه عشر مرات قبل ما يقوموا من النوم، التطبيق بيساعدك تظبط منبه لا يتوقف إلا بعمل ببعض المهام منها المسائل الرياضيه ال هتحلها أو انك تصور باركود انت محدده مسبقا أو تلعب رياضه علشان المنبه يقف، متخيل ! تقدر تحمل التطبيق دلوقتي وتجربه وماتنساش تقولنا ايه شعورك وزر الغفوه مش موجود 😜
عرضنا لحد دلوقتي 3 تطبيقات وفي مقالات تانيه هنعرض فيها بعض التطبيقات التانيه ال هتغير حياتنا وتحسنها للأفضل.
