عايز تتغير بس مش عارف تبدأ منين صح؟
عايز تتغير بس مش عارف تبدأ منين بص بسيدي اكيد كلنا فينا عيوب منطقي واكيد بردو بنقي عايزين نصلح العيوب دي منطقي بردو بس مش عارفين نبدأ منين؟ ومشكله السوشيال ميديا دائما بتحسسك إن انت لو منجحتش من وانت في الكافوله تبقي خلاص كده راحت عليك يعني لازم تبقي مولود كده عندك كل أسباب النجاح فلوس، اهل كويسين جداً، مجتمع بيحبك ويموت فيك) لازم صوره ملائكيه علشان تنجح يإما كده يإما خلاص كده قطر النجاح عدي وفات وكنت اتكلمت في مقالات كتير جداً سابقه عن إنت ازاي تبطل مرقعه وتبدأ تستغل حياتك صح في مقاله بعنوان( دليلك للخروج من زووون المرقعه) ولو عايز كورسات كويسه في مجالات مختلفه تبدأ بيها فكنت عامل مقاله بعنوان ( حياتي بلا هدف🥲) ولو عايز حاجات في البرمجه تحديداً فكنت عامل مقلبه بعنوان( يعني عايز تتعلم برمجه اوي يعني؟!!) بس هي الفكره من كل المقالات دي أنها بتهتم بالجانب العملي بس
يعني قصدك ايه أنها بتهتم بالجانب العملي بس؟
يعني ماذا لو الشخص اصلاً معندوش قدره نفسيه إنه يتغير يعني هو نفسياً مش قادر يتحرك اصلاً من السرير فإنا لو جيت قولتله تعالي نتغير وبتاع هيقولي يعم انت بتهزر ده انا بقوم من النوم تعبان تقولي تغيير او شخص حصله (burn out) او بلغتنا (اتحرق من جوه) يعني معندوش القدره يعمل حاجه اصلاً؟!!
طيب انا فعلاً حاسس إني مش قادر ابدأ اتغير من إني حاسس إني لازم ابدأ اعمل ايه؟
مهو أنا جايلك النهارده علشان كده؟
دليلك للتغير النفسي او بمعني ادق دليلك لتحسين نفسك؟!
سيبك بقي من جو التنميه البشريه وتعالي نمشي مع بعض خطوه خطوه هعمل ( إن شاء الله) سلسه مقالات اتكلم فيها عن التغيير بس من الناحيه النفسيه اللي احنا اصلاً بنغلط غلطه كبيره جداً لما نهمل الجانب النفسي في التغيير من غير راي كتير بلا بينا نبدأ
ملحوظه: عايز منك طلب علشان نبدأ زي ما بيقولو علي نظافه كل مقاله هديلك تمرين زي واجب كده ومطلوب منك تعمله تمام وبردو معلومه كده علي السريع لو بتسأل نفسك ايه المصدر اللي هجيب منه التمرينات او الواجبات دي هقولك كتاب قهوه صباحيه مع النفس والكتاب ده جميل جداً بس علشان عارف إن معظم الناس بتكسل تقرأ فهناخد كل مقاله تمرين صغير كده علشان منزهقش ونستفيد بالوقت
بإكد :من غير الورقه والقلم مش هتستفيد حاجه علشان كتابه التمرينات اللي هقولك عليها ده اللي هيخليك تقدر ترجع تشوفها لما الدنيا تضيق عليك
اول تمرين: دفتر لحظات السعاده
بكل اختصار علشان مطولش عليك بتكتب في دفتر لحظات السعاده اكتر ثلاث لحظات سعاده عدوا عليك في حياتك بالترتيب ١،٢،٣ افتكر كده ايه اكتر تلات لحظات كنت مبسوط فيهم هتموت من الفرحه واكتبهم في ورقه وبعد كده كل يوم زود لحظتين كمان اعمل ده كل يوم
طيب فائده دفتر السعاده ده ايه؟
حاجتين
١- مجرد استرجاع اللحظات دي هيرجعلك جزء من السعاده اللي انت كنت حاسس بيها ساعتها
٢- لما تقرأ اللحظات دي هتعرف ايه الحاجات اللي فعلاً بتخليك مبسوط وتزود من الملاحظات دي ولو عايز تفاصيل اكتر عن النقطه دي ممكن ترجع للكتاب نفسه في فقره بعنوان ( دفتر لحظات السعاده) مش عايز اطول عليك استني المقاله الجايه إن شاء الله نتكلم عن تمريت جديد وواجب جديد وهو تمرين النعم
سلاااام❤️
