مهارات جني المال عن طريق الانترنت

ازاي اعمل فلوس ؟؟؟

دا سؤال بيشغل تفكير ناس كتير ، بس السؤال اللي لازم تسأله لنفسك أنا بعرف اعمل ايه ؟

تعالى أقولك على شويه حاجات هتساعدك تعمل فلوس  💸

ابدء كلامي بالمقوله الجميله دي ⬇️

"الاثرياء يدخرون المال وينفقون ما تبقى ، اما الفقراء ينفقون المال ويدخرون ما تبقى " .

١- الطريقه الاساسيه للحفاظ على المال هو التوقف عن انفاقه

(ازاي يعني اتعلم البخل ؟؟)

لا مش قصدي كدا ، بص ياسيدي دائما عقل الناس بيفكر اجيب منين لدرجة انه بينسى هو بيصرف في ايه ؟

ودا الاهم لان من السهل انك تكسب فلوس مهما كانت ، لكن طول ما انت معندكش سياسه في الانفاق هتفقد الفلوس وعمرك ما هيبقى معاك فلوس لان اللي جاي هيفضل يروح علشان التزامات حضرتك مش بتخلص ، يبقى اول حاجه تعملها لازم يبقى عندك سياسه في الانفاق و زي ما بنقول (لم ايدك شويه ) 😄

٢- اعمل لنفسك قايمه بالمهارات اللي بتعرف تعملها

علشان تعرف  ازاي تجيب من مهاراتك دي فلوس وتحولها لمكسب حقيقي ، وأوعي تستقل بحاجه لان ممكن مهارتك تبقى بسيطه بس تعرف تسوقها صح فتحقق مكسب كبير ....

٣- لازم  يبقى عندك اولويات للشراء

مش معنى ان نفسك تشتري حاجه ومعاك فلوسها تشتريها ! دا غلط لازم ترتب اولوياتك ومتنساش أول نقطه 🖐

٤- مينفعش تعتمد على مصدر دخل واحد

اتعلم حاجه جديده وأقوي نفسك فيها زي الجرافيكس و تصميم المواقع او الترجمه ، اي حاجه تقدر تحقق دخل اضافي

وفي المقال الجاي هقولك على شويه مهارات هنساعدك جدااا

٥- ابعد عن الديون والقروض والاقساط

لو مش معاك ثمن حاجه أوعي تفكر تستلف علشان تشتريها .

٦- العلاااااقات

هتصاحب تلاته اغنيه هتكون رابعهم ، من الاخر انت هتكون شبه الناس اللي تعرفهم غصب عنك ، ابعد عن الناس السلبيه واتعلم من تجارب الناجحين والامثله كتير .

٧- اهم نقطه ومؤمن بيها جدا ، الفلوس بتهرب من اللي بيجري وراها

اجبرها تجيبك لحد عندك ، لازم تفكر انت هتقدم ايه للناس والناس محتاجه ايه والناس بتدفع فلوسها في ايه وبعدين اعمله بأحسن طريقه ،وصدقني الموضوع مش محتاج غير شويه ثقه وصبر 🤌

٨- خليك دائما مستعد للفرصه

زمان كانت الفرصه بتيجي مره واحده في العمر لكن النهارده الفرصه بتييجي في كل ثانيه بس انت ركذ ها ركذذذذ .

٩- اخر نقطه علشان شايف انك زهقت بس ركذ فيها لان هي دي زتونه الموضوع

ربنا بيرزق الذكي وبيرزق كمان الغبي لكن مش بيدي الكسلان ، أسعى وخليك مؤمن انك هتاخد اكتر من سعييك وخلي التلت كلمات دول في دماغك ( فكر و خطط و أسعى ) وخليك واثق انك هتنجح

ومتنساش أول نقطه 👌

وأعرف ان الثروه الحقيقيه هي انت والكنز ديما في الرحله والمغامره 😉

وانا هنا علشان أحاول أغير ولو ١٪؜ من حياتك 💫💫