أسرار مطبخ المحتوي: ج٦ عن كتابة المحتوي من الصفر إلي الإحتراف
🔸بما إنك محتاج تعرف كل أسرار مطبخ صناعة و كتابة المحتوي، فلازم تكون عارف سر الطبخة يعني لازم تعرف نموذج آيدا أو AIDA MODEL.
🔸إيه هو نموذج AIDA؟
بشكل بسيط نموذج AIDA المعروف في علم الإتصال التسويقي بيشرح رحلة العميل المستهدف/ المشتري Buyer Persona و مراحل تجاوبه لرسالة إعلانية عن منتج معين أو فكرة معينة، و النموذج دا بيأكد علي أهمية وجود هدف محدد لكل رسالة إعلانية سواء كانت تحسين أو تغيير الإنطباع عن منتج أو فكرة ما، إلي التحفيز علي تبني الفكرة دي أو شراء المنتج دا.
🔸 زي ما التسويق رحلة الـ Marketer فالعميل اللي بيشتري ليه برضه رحلة Buyer Journey، و رحلة مهمة جدا لو فهمتها، هتكون سبب في نجاح حملاتك التسويقية بشكل كبير ....
🔸 اي عميل و هو بيشتري أونلاين بيعدي بكذا مرحلة، و المراحل دي بنسميها رحلة المشتري Buyer Journey، و الرحلة دي بنستخدملها نموذج اسمه نموذج اسمه AIDA MODEL، و عشان التسويق معظم حروف مصطلحاته بتدل علي عناصر معينة، فتعالوا نعرف AIDA بيدل علي إيه؟
A➡️ Attention انتباه - Awareness وعي - Attraction جذب
و دي أول مرحلة و بتكون فرصتك فيها إنك تقول أو تعرف الناس ( الـ Persona بتاعتك ) بالمنتج أو الخدمة اللي بتقدمها، بس خلي بالك:
الفشل هنا معناه فشل باقي المراحل، فلازم تكون جاهز و محضر مادة إعلانية، تجذب الفئة المستهدفة بتاعتك، و تلفت إنتباههم بشكل كبير.
I➡️ Interest اهتمام
و دي بعد مرحلة الوعي علي طول، فبعد ما ننجح في جذب إنتباه الـ Persona، هيكونوا مهتمين إنهم يعرفوا تفاصيل أكتر عن المنتج أو الخدمة، و في المرحلة دي تقدر شوية تفاصيل عن المنتج أو الخدمة زي السعر و السلعة أو الخدمة مختلفة في إيه؟ و مميزة في إيه؟
D➡️ Desire رغبة
في المرحلة دي العميل بيكون عنده رغبة إنه يشتري المنتج أو الخدمة بتاعتك، و ممكن أنت اللي تخلق عنده الرغبة دي بإنك تبدأ تقول للعميل أسباب تخليه يشتري المنتج أو الخدمة دي:
- ليه تشتري المنتج أو الخدمة دي؟
- مشكلة بيحلها المنتج أو الخدمة بتاعتك.
إيه هي الإضافة اللي هيضيفها المنتج للعميل.
A➡️ Action الفعل أو الإجراء
هنا بقي بتكون عديت الصعب كله، و العميل بيكون علي بعد خطوة واحدة من إنه يشتري المنتج أو الخدمة، بس خلي بالك:
فرصة إن العميل ممكن يضيع منك هنا كبيرة 😲 طب ليه؟
مينفعش يكون العميل خلاص هيشتري، و يلاقي مثلاً الـ Website بتاعك بطئ، أو طريقة الدفع صعبة جداً، فلازم تخلي بالك من كذا نقطة زي:
- سهولة وسرعة الـ Website الخاص بيك.
- سهولة و سيلة الدفع و عملية الشراء.
يعني لو هقدملك دلوقتي Summary عن الموضوع دا أقدر أقولك إن أهم ٤ أسرار في صناعة أي محتوي هي:
1️⃣ قبل ما تبدأ تكتب حدد الهدف من الكتابة:
- هو أنا عايز أكتب ليه؟
عشان ابيع؟ و لا الناس تتفاعل معايا؟ و لا عايز أزود Likes.
2️⃣ حدد الـ Buyer Persona كويس لجمهورك، يعني:
نوعه راجل و لا ست - سنه - حالته الإجتماعية - حالته المادية - أكله المفضل - هواياته و إهتماماته - بيتكلم إزاي رسمي و لا فريندلي؟
3️⃣ استخدم نموذج AIDA في الكتابة زي ما شرحناه في البوست اللي فات بس ممكن نلخصه هنا بشكل سريع:
A - Attention:
الفت انتباه المشاهد بصورة + Slogan، و يا سلام لو في جملة في أول الكلام زي: (اتخلصي من التساقط) أو (منتج واحد يحول مقاسك من 12X لـ X واحدة)
I - Interest:
خليه يهتم بالمنتج بتاعك و دا من خلال المقدمة عن الآلام اللي بيمر بيها أو مشاكل بيواجهها.
D - Desire:
اخلق عنده رغبة من خلال كلامك عن جمال و حلاوة المنتج
A - Action:
من خلال الـ CTA (Call To Action)
4️⃣ البحث
بص من الآخر متحطش ايدك في الـ Content إلا لما تبحث كتير في المجال اللي هتكتب عنه عشان تطلع بفكرة قوية.
و بكدة نكون عرفنا إيه هو نموذج AIDA الأشهر انتشاراً تقريباً في مجال كتابة المحتوي التسويقي.
و أخر جزء في هذا المقال هنعرف فيه مع بعض:
🔸ما الفرق بين صانع المحتوي Content Creator و كاتب المحتوي Content Writer؟
- صانع المحتوى Content Creator:
لديه أفق واسعة لمشاريع، و بإمكانه العمل على أرض الواقع و إلكترونياً، و لكن الغالب يفضلون العمل على شبكة الويب لما تتيحه لهم من فرص مادية ومعنوية.
- كاتب المحتوي Content Writer:
فهو يؤلف على ورق أو على حاسوبه، وعادةً يبحث عن مؤسسة تنشر له مؤلفاته أو موقع يتبنى كتاباته و ينشر له، و هذا ليس شرطاً بل مجرد رأي من تجربة في الموضوع.
و بكدة تكون انتهت سلسلتي المكونة من ٦ مقالات الخاصة بكتابة المحتوي للمبتدئين و اللي بتحتوي علي أهم ما يتعلق بكتابة المحتوي ليك كشخص مبتدئ من الصفر لحد ما تعرف ازاي تكتب محتوي و تبقي محترف فيه و مبدع كمان.
