أسرار مطبخ المحتوي: ج٢ عن كتابة المحتوي من الصفر إلي الإحتراف
🔸 و انتا قاعد قدام جهازك و بتشرب قهوتك هعرفك إزاي تقسم الجمهور بتاعك لأكتر من Persona؟
🟠 مثال:
- أنا دلوقتي عندي أكاديمية علوم شاملة تعليم لغات و برمجة و تسويق و إدارة أعمال، مقرها في اسكندرية، و بستهدف جمهور من سن ١٨ - ٤٠ سنة
١) أول حاجة هنعمل Segmentation للجمهور بتاعنا يعني هنقسمه لشرائح عمرية
الشريحة الأولي ١٨ - ٢٥
الشريحة الثانية ٢٦ - ٣٣
الشريحة التالتة ٣٤ - ٤٠
و بكدة بقي عندنا ٣ شرائح عمرية مختلفة كل شريحة منهم نقدر نطلع منها أكتر من Persona
- لو جينا لأول شريحة من ١٨ - ٢٥ و حبينا نشوف الـ Persona الأولي فيها ممكن تكون إيه مواصفاتها هتلاقي:
🔸النوع: شباب ولاد و بنات.
🔸المستوي التعليمي: بيدرس أو حديث التخرج.
🔸المستوي المادي: متوسط.
🔸هتلاقي كمان إن الشباب دا في بداية حياته عنده أمل و إرادة إنه يتعلم و يطور من نفسه.
- طيب ناخد مثلا الشريحة التالتة من ٣٤ - ٤٠ هنلاقي:
🔸النوع: رجال و نساء.
🔸المستوي التعليمي: بيكمل دراسات عليا.
🔸المستوي المادي: متوسط.
🔸الهوايات: حابب يتعلم لغة جديدة أو بيحب السفر.
🔸بيعمل Shift Career و هيغير مجال وظيفته أو حابب يعلي في وظيفته و يترقب فلازم يكون عنده Skills تانية.
🟠 ممكن كمان تجيبوا أمثلة و تطبقوا عليها الكلام دا و هستناكوا تبعتولي علي بريد الحساب هنا أو تكتبولي في التعليقات 🥰
🔸تعالي أعرفك بشكل مبسط جداً إيه هي الأسئلة اللي المفروض أسألها للـ Persona بتاعتي و أعرف أجيب الأسئلة دي منين؟
- المكان اللي عايشين فيه؟
- المستوي التعليمي؟
- الوظيفة؟
- الهوايات؟
- الرياضة المفضلة؟
- بيحبوا السفر؟
- اتعاملوا مع مكان بيقدم نفس نوع الخدمة بتاعتي و لا لأ؟ و تجربتهم معاه كانت إزاي؟
- بيتعاملوا مع التكنولوچيا؟
- بيحبوا الكورسات الأونلاين و لا الأوفلاين؟
فكروا هتطلعوا بأسئلة كتير جداً ممكن تسألوها
🔸دلوقتي بعد ما فكرنا و طلعنا بكل الأسئلة دي، عايزين نعرف هنجيب إجاباتها منين؟ 🤔
- من صاحب البيزنس نفسه، لإنه أكتر حد بيتعامل مع الجمهور، و عارف مين أكتر ناس بتحتاج الخدمة اللي بقدمها.
- من الأشخاص المسؤولين في المكان عن خدمة العملاء لإنهم بيتعاملوا مع الجمهور و عارفين كتير عن إحتياجاته.
- ممكن أنا كـ (Content Creator) أسأل الناس علي الأكونت الشخصي بتاعي، أكيد علاقي نسبة منهم مهتمة بالخدمة اللي هكتب عنها.
- من صفحات المنافسين اشوف الجمهور اللي عليها بيتكلم في إيه و مشاكله إيه.
- من الصفحات و الجروبات المهتمة بنفس المجال اللي بكتب عنه.
- و طبعا تفكيري أنا الشخصي و دماغي و رؤيتي.
🔸 الهدف من الـ POC؟
لازم تعرف إن أي POC ليها هدف محدد بنكتبها عشان نحققه و إلا هتكون بتكتب و خلاص و بتضيع وقت.
🔸 الهدف دا لازم يكون SMART يعني يتوفر فيه العناصر دي:
1) Specific محدد
2) Measurable قابل للقياس
3) Attainable ممكن تحقيقه
4) Relevant ذو صلة بالموضوع
5) Time based محدد بوقت
🟠 مثال:
لو بكتب عن الـ Content Marketing و بعمل E-book كتاب إليكتروني، هكتب قطعة محتوي الهدف منها إن:
الأشخاص من الجمهور المستهدف يعملوا Download للكتاب خلال ٥ أيام
🔸تعالي نشوف بقي العناصر بتاعتنا موجودة هنا و لا لأ؟
- فعلاً كدة دا هدف واضح و محدد (Specific).
- أقدر أقيسه و أعرف كام واحد عمل Download (Measurable).
- هقدر أحققه مش هدف تعجيزي يعني و غير واقعي (Attainable).
- مرتبط بالموضوع اللي بكتب عنه فالكتاب عن الـ Content Marketing.
(Relevant)
- محدد بوقت معين ٥ أيام (Time based).
و هنا ينتهي الجزء الثاني من سلسلة مقالات أسرار مطبخ المحتوي للمبتدئين، فأنتظروا الجزء الثالث.
