أسرار مطبخ المحتوي: ج١ عن كتابة المحتوي من الصفر إلي الإحتراف
🟠 يعني ايه محتوي؟
🔸ببساطة شديدة جداً أي حاجة بتقدمها للناس اللي حواليك أو ع السوشيال ميديا بشكل مقروء أو مسموع أو مرئي فهي (محتوي) سواء كانت الحاجة دي في صورة منتج أو خدمة.
🔸أراهنك إنك بتعمل دا كل يوم بس مش واخد بالك إنك بتعمل عظمة، و العظمة دي ممكن تكون بداية لـ Career جديد و حياة جديدة بالنسبة ليك، فركز عشان تبدأ تعرف كل الأسرار من جوا مطبخ المجال نفسه و تبدأ تعمل اللي انتا متعود تعمله بس المرة دي بمزااااج و فن.
- في المقال دا هعرفك بشكل بسيط جداً يعني إيه تسويق بالمحتوي Content Marketing المستخدم في ال Digital Marketing و اللي لو عرفته و اتعلمته هتقدر تكون صانع و كاتب محتوي مُبدع
🔸التسويق بالمحتوي Content Marketing ببساطة هو استراتيچية تسويق بتعتمد علي المحتوي الرقمي Digital Content سواء كان محتوي مكتوب أو مرئي أو مسموع و الطريقة دي في التسويق مميزة جدا عن أي طريقة تسويق تانية و بتعتبر استراتيچية بعيدة المدي.
🔸 ليه التسويق بالمحتوي Content Marketing يعتبر استراتيچية بعيدة المدي؟
- بشكل بسيط جدا لإني باخد معايا الناس اللي أنا عايز أقدملهم المنتج بتاعي أو الخدمة بتاعتي في رحلة، فبمشي معاهم خطوة بخطوة، و بقدملهم فيها معلومات مفيدة عن المنتج أو الخدمة بتاعتي و بحسسهم بأهميتهم و إن مصلحتهم رقم واحد عندي، فبيبدأوا يكملوا معايا الرحلة من نفسهم عشان يعرفوا باقي المعلومات عن المنتج أو الخدمة لإنهم ساعتها خلاص بقي عندهم Loyalty للمنتج أو الخدمة بتاعتي و دا عشان أنا قدمتلهم ( الفايدة قبل الإستفادة )
🟠مثال:
- لو أنا صاحب شركة بتعمل مستحضرات تجميل و عناية بالبشرة و بدأت أشرح و أوضح قد ايه كريم ترطيب البشرة الجديد اللي الشركة أنتجته بيحمي البشرة من الجفاف و بيقاوم مشكلة البثور و حب الشباب و بيحافظ على مظهر صحي للبشرة الحساسة و مالوش أضرار جانبية و إنه من أفضل أنواع الكريم الموجودة في السوق دلوقتي و بأحسن سعر ....
أنا هنا اديتلك كل المعلومات دي ببلاش فمن الطبيعي إنك هتثق فيا و تاخد رأيي ( Loyalty ) و تقرر إنك تشتري مني و دا لإني قدمتلك معلومات تفيدك فعلاً قبل ما أستفيد منك ( الفايدة قبل الإستفادة ).
🔸أشكال قطعة المحتوي:
أحب أعرفك إن قطعة المحتوي اللي بتكتبها POC
Piece Of Content
ليها ٣ أشكال:
1️⃣ مقروءة: بوست - مقال - تويتة - pdf
2️⃣ مسموعة: بودكاست - كتب صوتية
3️⃣ مرئية: فيديوهات - صور
🔸أنواع المحتوي:
للمحتوي أنواع كتيرة لما هتشوفها دلوقتي هتلاقيها مش غريبة عليك و عارف معظمها،
عد معايا كدة:
١) بوست صغير (اللي بيكون علي صفحات السوشيال ميديا زي الفيسبوك).
٢) بوست كبير (مقالات).
٣) تويتة.
٤) ملف pdf.
٥) انفوجرافيك.
٦) فلوجز Vlogs
٧) الندوات اللايف (Webinar) أو أي online live
٨) الإيميلات E- mails
٩) الكتب الإليكترونية E-books
١٠) دراسة الحالة Case Study
١١) ال Reviews
١٢) المقاطع الصوتية Podcasts
١٣) الـ Comics و الـ Mems
١٤) القوالب Templates
١٥) القصص Storytelling
- و في النهاية انتا بتشوف ايه هو النوع المناسب للمنتج أو الخدمة بتاعتك و تبدأ تشتغل عليه.
🔸 دلوقتي إحنا عايزين بشكل عملي نعرف إيه هي الخطوات اللي من خلالها هنقدر نكتب أفضل POC ...
- بما إننا هنكتب محتوي هنسوق من خلاله لمنتج أو خدمة فأكيد طبعاً مش هنكتبه لنفسنا، لازم هيكون في ناس هنكتب الكلام دا ليهم، و الناس دول مش أي ناس و السلام لا طبعاً، يعني أنا مش هكتب محتوي أسوق فيه لنوع روچ جديد 💄و هكتبه لرجالة 🤔.
🔸 و هنا احنا بنتكلم عن الـ Target Audience أو الجمهور المستهدف، اللي احنا أصلاً بمكتب المحتوي عشان نوصله و نأثر فيه ...
🔸و لازم تعرف إن أي POC انتا بتكتبها بتوجهها لجمهور انتا محدده و عارف عنه:
نوعه - عمره - صفاته - خصائصه - أسلوب حياته - أفكاره و معتقداته، و حاجات تانية كتير يعني تقدر تعرف عنه أكبر قدر من المعلومات ...
🟠مثال:
لو بدأت ال POC بـ :
تعبت من روتين الشغل و النزول كل أسبوع شيفت مختلف، و المرتب مش مكفي و طلبات البيت و الأولاد مش بتخلص، نفسي أعرف بجد إزاي أبدأ شغل حر و أعمل Shift Career ؟
كام مرة سألت نفسك السؤال دا و مش بتلاقي إجابة ...... إلي آخر الـ POC
احنا هنا عملنا إيه؟
- حددنا أشخاص معينين:
رجال - عاملين - متزوجين - عندهم أولاد
معني كدة إن الشريحة دي من الجمهور هي الـ Persona أو الشريحة المستهدفة اللي احنا عايزينها من الـ Target Audience
و لو الـ POC دي قرأتها ست مش هتهتم و لو راجل مستقر في شغله و مرتاح مادياً مش هيهتم برضه ...
🔸و في خلال الـ Campaign اللي احنا شغالين عليها و بمكتب المحتوي ليها ممكن يكون عندنا أكتر من Persona و دا اللي هنعرفه في البوست الجاي #تابعوني
🔸 حاجة أخيرة بس قبل ما أقفل الجزء الأول من مقالي، عايز أقولك إن تحديد الـ Persona صح بيفرق معاك جداً في حاجات كتير زي مثلاً اللغة اللي هتكتب بيها و استراتيچية كتابة المحتوي اللي انتا ماشي عليها، أما لو حددتها غلط فالمحتوي مش هيحقق نتيجته المطلوبة.
تابعوني و أنتظروا الجزء الثاني من سلسلة مقالات "أسرار مطبخ المحتوي"
