GTA 6 ليها فيزيكال؟!

GTA 6 ليها فيزيكال

روكستار هتبيع حاجات فيزيكال لي GTA 6

من كام يوم روكستار نزلت البوم GTA 6 و أعلنت انك هتقدر تجيب نسخه فيزيكال منه سواء كان بCD او الvinyl و اللي هي حاجه غريبه عشان روكستار قالت ان خلاص الديسك بقي مكلف و مبيعاته قلت لكن دلوقتي هيبيعو الالبوم بتاعهم فيزيكال عشان يخدو فلوس من جيبك اكتر مع ان الناس اللي بتشتري اغاني فيزيكال اقل بكتيير من اللي بيشترو العاب

 واللي هتقولي متقارنش البوم CD بي ديسك Blu-Ray تكلفتهم مختلفه تماما

انا هقولك عندك حق فعلا بس عارف ايه الي اغلا منهم كلهم الvinyl تكلفه الvinyl اللي هيحطو عليه الالبوم اغلي 5× من الBlu-Ray

طب ليه روكستار بتعمل كده؟

الإجابه ببساطه إن الvinyl مبقاش مجرد وسيله لسماع الموسيقى، ده بقي حاجه بيجمعها الناس زي التحف. فيه ناس بتشتري الاسطوانه مش عشان تسمعها، لكن عشان تحطها علي الرف وتتصور معاها. وروكستار عارفه ده كويس، وعارفه كمان ان فانز GTA مستعدين يدفعو اي مبلغ عشان ياخدو حاجه من اللعبه دي في ايديهم.

الفانز مش هيقولو لا

خلينا نكون صريحين، اللي هيشتري النسخه الفيزيكال مش هيبص علي السعر كتير. الفان اللي استني اللعبه سنين طويله هيحب يمسك الالبوم بايده ويحطه في مجموعته، حتي لو مش عنده جهاز يشغله اصلا. وده بالظبط اللي بيخلي الموضوع مكسب مضمون لروكستار، لان التكلفه العاليه بتتحط علي الزبون في الاخر، والشركه بتاخد الفرق.

المشكله الحقيقيه

مش المشكله في اللي بيحب يجمع، المشكله في التناقض. الشركه قالت ان الديسكات بقت مكلفه ومبيعاتها قليله، وبعدين ترجع تبيع حاجه تكلفتها اغلي بخمس اضعاف. يعني اللي بيحدد القرار مش التكلفه لوحدها، الاهم هو الشريحه اللي هتشتري وقد ايه هتدفع.

رأيي في الموضوع

انا شايف ان الفكره نفسها مش وحشه. لو الفانز عايزين يجمعو الالبوم، فمن حقهم وروكستار من حقها تبيع. بس الاحسن ان الشركه تكون صريحه مع الناس وتعترف ان الموضوع تسويق وربح، بدل ما تقول ان الديسك بقي مكلف وبعدين تبيع حاجات اغلي منه. الناس مش غبيه، وبتحس بالفرق بين الكلام والفعل.

الخلاصه

في الاخر، الالبوم الفيزيكال هيتباع، والفانز هيشتروه، وروكستار هتكسب. ومفيش حد هيتضرر غير اللي هيحس انه اتضحك عليه بالكلام اللي اتقال قبل كده. وفي كل الاحوال، الموضوع ده بيقول ان الالبوم والفيزيكال لسه ليهم سوق، حتي في وقت الناس فيه بتسمع كل حاجه اونلاين. لو انت من اللي بيحبو يجمعو، اكيد هتفرح بالخبر ده وهتنتظر تشوف شكل الالبوم وسعره. ولو انت من اللي بيشتري بس عشان يلعب، فمفيش اي حاجه هتتغير معاك. المهم نستني نشوف روكستار هتعمل ايه بعد كده، وهل الفيزيكال ده هيفضل في الالبوم بس، ولا هنشوف حاجات تانيه معاه؟ 

بعد كل الحوار ده انت رايك ايه في قرار روكستار و هل هوا قرار كويس ولا وحش؟