طريقه فحص اي رابط او ملف مشكوك فيه
طريقه فحص اي رابط او ملف مشكوك فيه
المقدمه
بِسْمِ اللهِ الرَّحْمنِ الرَّحِيمِ
احنا هنتكلم عن اداه هتساعدك تفحص الروابط او الملفات الي انت شاكك انها خبيثه أوملغمه والأداه دي ادا من شركه جوجل يعني اداه مضمونه وسريعه كمان وكمان الأداه بتستخدم في حدود ال 95 محرك مكافحه فيروسات يعني هتكون متطمن وانت بتستخدمو واجمل حاجه في الأداه انها موقع يعني مش هتحتاج تثبت اي تطبيقات علي جهازك وتوجع دماغك وكمان شغال لكل الأجهزه يعني لو حد جي بعتلك رساله علي الواتساب من صحابك حب يهزل معاك هتقدر تعرف ما اذا كان الي بعتهولك فيرس ولا ملف امن
استخدامات VirusTotal
الموقع بيستخدم في الفحص عن المواقع الضاره او المشبوهه يعني لو انت معاك موقع وشاكك انو موقع خبيث تقدر تجربو علي الأداه
وكمان بيستخدم في فحص الملفات الخبيثه يعني لو حد بعتلك ملف وانت شاكك في ممكن تخش تفحصو علي الموقع وهيطمنك هل هو ضار او لا
وكمان ممكن تستخدم الأداه في فحص التطبيقات في حال تحميلها من مصادر خارجيه يعني لو نزلت برنامج بصيغه apk ممكن تفحصو علي الموقع او لو برنامج exe ممكن تفحصو بردو
ليه تستخدم VirusTotal
VirusTotal هي خدمة تابعة لجوجل بتوفرلك فحص ملفات وروابط وعناوين IP ونطاقات عبر عشرات محركات مكافحة الفيروسات وقواعد بيانات السمعة، وبتعرض تقرير واضح وسهل فهمه هل (الملف او الموقع او عناوين ip) امن او لا
شرح طريقه الأستخدام
افتح الموقع من هنا
في الصفحه الرأيسيه اختار (ملف او رابط او عناوين ip )
حط الرابط او الملف واضغط search يهعملك فحص وهيجبلك ما اذا كان الملف ضار او لا
مميزات اضافيه VirusTotal
بيجمع نتائج من أكتر من 70 محرك مكافحة فيروسات (زي كاسبرسكاي، أفاست، مايكروسوفت ديفندر وغيرهم).
بيعرضلك تحليلات من المجتمع (community) بحيث لو حد قبل كده فحص الرابط ده ممكن تشوف تعليقاتهم.
بيديك تفاصيل تقنية زي: الـ hash للملف، والـ behavior analysis (في بعض الحالات)، والمكان اللي بيتصل بيه لو ملف تنفيذي.
نصيحة للقراء
مهم جدًا إنك متعتمدش عليه 100%، يعني لو لقيت نتيجة مش واضحة (مثلاً 1 من 95 قال ضار والباقي لأ)، يبقى تاخد بالك وما تتهورش.
دايمًا استعمله كخط دفاع أول، لكن خلي عندك برضه برنامج حماية على جهازك عشان لو حاجه حصلت برنامج الحمايه يردع الفايروس الي دخل جهازك ويوثف كل الهجمات الي هتصيبك وكمان حافظ علي التحديثات الدوريه لجهازك يعني لو اندرويد حدثو بشكل دوري عشان التحديثات دي بينزل معاها تحديثات امان وكمان لو ويندوز او ماك او لينيكس كمان .
وديما متنساش الحفاظ علي ملفاتك ومعلوماتك الشخصيه في الزمن ده بقي شئ اساسي فا حافظ علي امان بيناتك في كل وقت .
