ما هي لغة ال بي أتش بي

 

🐘 كل اللي محتاج تعرفه عن لغة الـ PHP

 

 

 

 

• بص يا معلم…
  لما نيجي نتكلم عن لغات البرمجة اللي غيّرت شكل الويب، لازم نذكر PHP. فيه ناس بتحبها جدًا، وناس بتقول عليها قديمة… لكن الواقع إن PHP لسه عايشة وبتتطور، 
• ومواقع عملاقة زي فيسبوك (في بدايته)، و WordPress (أشهر نظام إدارة محتوى في العالم) اتبنوا بيها.

تعالى ناخد الموضوع خطوة بخطوة ونفهمها ببساطة.

 

 

فقرات المحتوي :

 

1.  ما هي لغة ال PHP 
2.  ليه PHP مهمة لحد النهاردة 
3.  هل في طلب على PHP في السوق 
4.  إزاي تبدأ تتعلم PHP 
5.  Syntax PHP 
6. ما أستخدامات ال PHP 
7.  Frameworks بتقوي PHP
8.  هل اللغة دي معرضة للأنقراض 

 

 

 

1.✨ ما هي لغة ال PHP ؟

 

• PHP اختصار لـ Hypertext Preprocessor، ودي لغة برمجة موجهة للويب. يعني إيه؟ يعني شغلتها
•  الرئيسية إنها تخلي الصفحات "ديناميكية".
  لو عندك صفحة HTML ثابتة بتعرض نصوص وصور، مع PHP تقدر تخليها تعرض بيانات من قاعدة
•  بيانات، أو تسجل دخول المستخدمين، أو حتى تعمل متجر إلكتروني كامل.

 

 

 

 

 

2.🔑 ليه PHP مهمة لحد النهاردة ؟

 

1. سهلة التعلم: الكود بتاعها بسيط وبيشبه لغات تانية.
2. مفتوحة المصدر: مجانية، وتقدر تنزلها وتشتغل بيها من غير مصاريف.
3. مجتمع ضخم: ملايين المبرمجين بيستخدموها، وبالتالي هتلاقي حلول لأي مشكلة على طول.
4. مدعومة في كل الاستضافات: أي Hosting هتلاقي فيه دعم PHP تلقائي.
5. قواعد بيانات متنوعة: أشهرها MySQL، اللي بيشتغل معاها زي العسل.

 

 

3.📈 هل في طلب على PHP في السوق ؟

 

• يمكن تسأل نفسك : "هو لسه في شغل لـ PHP ولا لء ؟"
  أيوة يا معلم، ولسه طلب هيزيد أكتر وأكتر كمان.
  السبب الرئيسي إن أكتر من 70% من مواقع الإنترنت بتشتغل بـ PHP (بما فيهم WordPress اللي
•  لوحده بيشغل حوالي 40% من المواقع). ده معناه إن أي شركة بتعتمد على WordPress أو بتبني
•  أنظمة ويب كلاسيكية بتحتاج مطور PHP.
•  
• كمان فيه آلاف الشركات الصغيرة والمتوسطة اللي بتستخدم PHP لأنها رخيصة وسهلة في
•  الاستضافة. يعني فرص الشغل موجودة، سواء Freelance أو شركات. واللي بيميزها أكتر إن المنافسة
•  مش زي لغات "الترند" زي Node.js، فممكن تلاقي لنفسك مكان بسهولة.

 

4.🎯 إزاي تبدأ تتعلم PHP ؟

 

تعال نقسم الموضوع لمراحل بسيطة:

1. الأساسيات

• اتعلم الأول HTML وCSS عشان تعرف إزاي تعمل صفحات ويب عادية.
• بعد كده خش على PHP وابدأ من الحاجات الصغيرة: طباعة نصوص، التعامل مع المتغيرات،

 الحلقات (Loops)، والدوال (Functions).

2. التعامل مع قواعد البيانات

• ركّز على MySQL لأنها الأشهر.
• اتعلم إزاي تحفظ بيانات (INSERT) وتعرضها (SELECT) وتعدلها (UPDATE) وتمسحها 

       (DELETE).

3. بناء مشاريع صغيرة

• جرب تعمل نظام تسجيل دخول بسيط.
• اعمل مدونة صغيرة تعرض مقالات من قاعدة بيانات.

4. التعمق بالـ Frameworks

• بعد ما تظبط الأساسيات، خش على Laravel.
• اتعلم MVC (Model–View–Controller) عشان تفهم إزاي تنظم مشروعك.

5. طور نفسك باستمرار

• تابع تحديثات PHP (زي PHP 8 وPHP 8.2).
• مارس عن طريق مشاريع حقيقية أو شغل Freelance صغير.

 

 

 

5.🛠️ Syntax PHP :

 

تخيل عايز تطبع جملة “أهلاً بالعالم” بلغة PHP :

<?php

echo "أهلاً بالعالم!";

?>

 

بمنتهى البساطة.
طيب لو عايز تجيب الوقت الحالي :

<?php

echo date("Y-m-d H:i:s");

?>

 

 

 

 

 

 

6.💡ما أستخدامات ال PHP :

 

1. إدارة المستخدمين: تسجيل، تسجيل دخول، كلمات مرور.
2. المتاجر الإلكترونية: إضافة منتجات، سلة تسوق، دفع أونلاين.
3. أنظمة إدارة المحتوى (CMS): زي WordPress وDrupal.
4. التكامل مع قواعد البيانات: عرض مقالات، حفظ تعليقات، أو أي بيانات.
5. بناء APIs: دلوقتي تقدر تعمل RESTful API أو GraphQL بـPHP زي أي لغة حديثة.

 

 

7.📚 Frameworks بتقوي PHP

 

لما المشاريع تكبر، مش منطقي تكتب كل حاجة من الصفر. هنا بقى ييجي دور الـFrameworks:

• Laravel: الأشهر، وسهل جدًا وبيهتم بالأمان والتنظيم.
• Symfony: قوي ومرن للمشاريع الكبيرة.
• CodeIgniter: خفيف وسريع.

الـFrameworks دي بتديك أدوات جاهزة وتوفر وقت ومجهود.

 

 

 هل اللغة دي معرضة للأنقراض ؟

 

• لء ال PHP مش موضة راحت… لأ، دي لسه من اللغات الأساسية للويب. سهلة، ومدعومة في كل مكان،
•  ووراها مجتمع ضخم. لو إنت مبتدئ وعايز تدخل مجال الويب بطريقة متقدمة، PHP تعتبر طريق عملي جدًا. ولو
•  حابب تتعمق أكثر ، Laravel هي بوابتك لمشاريع كبيرة وأكثر أحترفية.

باختصار: PHP زي لاعب كرة لدية خبرة… لسه بيعلم الجيل الجديد إزاي اللعبة بتتلعب.

 

 

 

 

 

حقوق النشر © 2025. جميع الحقوق محفوظة.
يحظر نسخ أو إعادة نشر هذا المحتوى دون إذن مسبق من إدارة الموقع.