أفضل 5 أدوات مجانية لاكتشاف الكلمات المفتاحية :Keyword Research
BY: Ayman Shaaban 14/8/2025
هل الكلمات المفتاحية مهمة؟
بدون استهداف واختيار الكلمات المفتاحية الصحيحة، كل جهود السيوSEO الباقية مش هيكون ليها لازمة!
الكلمات المفتاحية هي أساس عملية تهيئة المحتوى للظهور فى النتائج الاولى فى نتائج بحث جوجل.
يعني ايه كلمات مفتاحية؟
الكلمات المفتاحية أو الجمل المفتاحية عبارة عن الكلمات اللى نبحث بها فى محركات البحث زي جوجل.
الكلمات المفتاحية ممكن تكون زي أفضل نصائح كتابة المحتوى أو كلمات مفتاحية لليوتيوب، وهكذا …
إذن أول خطوة لكتابة محتوى متوافق مع قواعد السيو SEO بحيث المحتوى يطلع فى النتائج الاولى لجوجل، لازم تقوم باكتشاف واختيار الكلمات المفتاحية المناسبة.
ما هي الطريقة الصحيحة لاكتشاف الكلمة المفتاحية؟
عشان تقوم بعمليات اكتشاف الكلمات المفتاحية (Keyword Research) توجد طرق كثيرة، ولكن أكبر جزء يستحوذ على إهتمام كل اللي شغالين فى مجال التسويق بالمحتوى والسيو هو: أدوات بحث الكلمات المفتاحية (Keyword Research Tools).
وهنا فيه مشكلة كبيرة أوى لينا كعرب، وهي:
إن قلما تلاقي أدوات بتدعم اللغة العربية بشكل صريح، بالاضافة إلى إن كتير من الأدوات بتكون مدفوعة.
لكن المشكلة لها حل بالفعل‼!.
دلوقتي حستعرض معاك أهم 5 أدوات مهمة جدا انا بستخدمها بشكل تبادلي لإيجاد كلمات مفتاحية مميزة.
الأدوات مجانية، وبتدعم اللغة العربية.
في المقال ده، هتتعلم ازاى تستخدم كل أداة من الأدوات اللي هنتكلم عنها، وازاى تجيب منها كلمات مفتاحية تخليك تكتب محتوى يظهر في الصفحة رقم #1 في جوجل.
يلا بينا نبدأ …
الاداة دى مش مفيدة بس في اكتشاف كلمات مفتاحية مختلفة، إنما مفيدة في مرحلة العصف الذهني، لأنها بتفتح مخك على مواضيع ممكن ما تكونش واخد بالك منها.
النتائج بتكون معروضة على شكل خريطة ذهنية، أو قائمة، وطبعا تقدر تنزلها في ملف اكسل.
اكتب الكلمة المفتاحية الرئيسية في مربع البحث …
هتلاقي النتائج منظمة في 5 مجموعات، اول مجموعة هي الأسئلة ….
من النتائج دى، تقدر تطلع أفكار وكلمات مفتاحية جديدة زي مثلا ليه التسويق مهم؟ هل التسويق …؟
في القسم التاني بتحط اضافات للكلمات المفتاحية عبارة عن حروف جر زي قريب أو بدون أو لـ …
وطبعا تقدر تستخدمها لتطوير الكلمات المفتاحية الأساسية زي التسويق بدون ميزانية كبيرة أو التسويق لـ الشركات الصغيرة …
والقسم التالت المقارنات، زي التسويق مقابل الإعلانات، الحاجة الفلانية ولا الحاجة الفلانية.
أما القسم الرابع فهو بيشوف الكلمات المفتاحية الأساسية ويبتدى يجيب من محركات البحث الكلمة الأساسية جنبها كلمة حسب الحروف الأبجدية.
يعني مثلا التسويق + الكلمات اللي تبدا بحرف الالف، التسويق + الكلمات اللي تبدا بحرف الباء، وهكذا.
ودى طريقة كويسة تساعدك تحصل على أفكار محتوى أفضل في العصف الذهني.
القسم الخامس في النتائج وهو أهم قسم من وجهة نظري، بتجيب لك فيه الكلمات المفتاحية ذات العلاقة (Related Keywords).
السحر الحقيقي للاداة دى هي البحث بكلمات مفتاحية إنجليزي، وبالذات في القسم اللي بتجيب لك نتائج بالكلمة الأساسية + كلمات تبدأ بحرف A أو B.
شوف مثلا أما كتبت كلمة Marketing …التسويق
شوف كم الأفكار اللي طلعت بيه قد ايه!
ممكن تدور بالكلمة بالإنجليزي، وبعد كده تاخد الأفكار وتعملها بالعربي.
- الاداة دى عبارة عن اضافة لمتصفح كروم وفايرفوكس، ومن اكتر الأدوات الغير مشهورة رغم مميزاتها الرهيبة.
- اولا بتشتغل معاك عربي وانجليزي وكل اللغات، وثانيا النتائج بتاعتها بتظهر على الجنب في صفحة نتائج البحث كل ما تعمل عملية بحث جديدة، يعني مش محتاج تفتحها مخصوص.
- يعني توفر لك الوقت، والمجهود، وكمان بتجيبلك النتائج بسرعة في نفس اللحظة اللي انت بتعمل فيها عملية البحث، ودى حاجة عظيمة جدا!
- فلنفترض انك بتكتب عن التسويق، وجيت في نص المحتوى حبيت تعمل بحث عن موضوع فرعي، الاداة دى توفر لك أفكار فرعية اكتر وفى نفس الوقت مرتبطة بالموضوع الرئيسي، وده يخلى المحتوى اللي بتقدمها أفضل من أي محتوى موجود.
- الأداة ليها جزء مجاني، وجزء مدفوع (10$ سنويا).
- الجزء المجاني بتاعها يفي جدا بالغرض!
هنستخدم الأداة في الحصول على الكلمات المفتاحية اللي الناس بتعمل عليها بحث وليها علاقة بالكلمة اللي انت كتبتها في مربع البحث.
فلنفترض انك عايز تكتب عن التسويق بالمحتوى …
Keywords Everywhere 1
انت كدة عرفت ان الناس اللي مهتمة بالتسويق بالمحتوى هتكون مهتمة تعرف اكتر (وتشتري) استراتيجية التسويق بالمحتوى، وأمثلة على التسويق بالمحتوى.
المهم، افتح ملف واكتب التسويق بالمحتوى كـ كلمة رئيسية وتحتها اكتب كل الكلمات اللي طلعت لك هنا …
ليه؟
عشان دى هتبقى قائمة الكلمات المفتاحية اللي لازم المحتوى اللي هتقدمه يحتوي عليها.
طب افرض عملت كدة وما وصلتش لنتائج كويسة أو مالقتش نتائج اصلا، اعمل ايه؟
دور بالانجليزي، وهات المعادل بالعربي.
3- Keyworddit
الأداة دى من الأدوات اللطيفة جدا ولكن للاسف مش بتدعم العربية!
نظرا لأنها بتجيب الكلمات المفتاحية من الموقع العالمي Reddit اللي هو بيدخله شهريا مليار شخص على مستوى العالم، و طبعا Reddit مش بيدعم اللغة العربية.
اللي بيميز الأداة دى عن غيرها، إن النتائج كلها مواضيع مهمة جدا، وخلينا نشوف مثال عملي …
كل اللي عليك انك تستخدم الكلمات المفتاحية دى فى إنك تطلع من دماغك كلمات مفتاحية جديدة.
يعني مثلا الوظائف المناسبة للمنضمين الجدد لمجال التسويق، موضوع زي ده غالبا مش هتلاقي حد بيتكلم عنه، فهمت الفكرة؟
وطبعا اكتب اي كلمة تانية في أي مجال بالإنجليزي وهيظهرلك نتائج زى دى، ونتائج محدش من المنافسين بتوعك واخد باله منها.
ادخل على اللينك ده، ودوس على كلمة Start now …
سجل باكونت جوجل بتاعك …
ادخل على Tools >>>
PLANNING >>>
Keyword Planner >>>
بعد كده هتلاقي نفسك قدام اختيارين:
1- اكتشاف كلمات مفتاحية
2- تقييم الكلمات المفتاحية
طريقة استخدام الأداة في اكتشاف الكلمات المفتاحية زيها زي كل الادوات اللي شرحناها.
اول حاجة بص على الإعدادات، اختار الدولة اللي انت عايزها، مثلا مصر، اللغة عربي، محرك البحث اما جوجل أو جوجل وشركاه، وحدد الفترة الى عايز تكشف فيها الكلمات الرائجة.
المنافسة على الكلمات المفتاحية بتكون اما قليل، متوسط، عالي.
كل الناس في المجال بتنصح إنك تحتار الكلمات المفتاحية اللي المنافسة عليها قليلة وتشتغل عليها، وانا كمان بنصح بده في حالة لو انت مش هتقدر ولا هتعرف تعمل محتوى قوي!
إنما لو هتعمل محتوى قوي يكسب كل المحتوى بتاع المنافسين، أنصحك تختار الكلمات اللي المنافسة عليها عالية أو متوسطة.
في الصورة اللي فوق هتلاقي حاجة بعنوان “Avg. Monthly Searches” …
ودى بتقولك عدد المحاولات اللي بتبحث عن الكلمة شهريا، ودى حاجة مهمة في تحديد قيمة الكلمة المفتاحية اللي هشتتغل عليها.
وطبعا كل ما العدد كان كبير كل ما كان افضل.
وبس كده يا صديقي …
دي كانت افضل 5 أدوات من أفضل أدوات اكتشاف الكلمات المفتاحية مع طريقة استخدامها بالصور خطوة بخطوة.
اشكرك علي متابعة مقالات وقرائتها..لو عجبك المقال ياريت تقييم وتعليق ..فضلا وليس امرا
BY: Ayman Shaaban 14/8/2025
