ما هي هندسة الأوامر (Prompt Engineering)؟
سمعت قبل كده عن "هندسة الأوامر" أو بالإنجليزى Prompt Engineering؟
الموضوع ده بقى مهم جدًا اليومين دول، وبيفرق جدًا فى النتيجة اللى بتطلعلك من أى أداة ذكاء صناعى زى ChatGPT أو غيره.
يعنى حرفيًا.. الكلام اللى بتكتبه هو اللى بيحدد الرد اللى هتاخده!
فى المقال ده، هنعرف يعنى إيه هندسة أوامر، وإيه لازمتها، وازاى نبدأ نستخدمها فى شغلنا أو حياتنا.
عناصر المقال:
- ماهى هندسة الأوامر؟
- ليه ظهرت مهارة هندسة الأوامر؟ و ليه بقت مهة ؟
- أمثلة من حياتنا اليومية
- من الذى يحتاج إلى تعلم هندسة الأوامر؟
- كيف تبدأ في تعلمها؟او أبدأ منين ؟
ماهى هندسة الأوامر؟
هندسة الأوامر (Prompt Engineering) هي فن صياغة الأسئلة أو التعليمات التي نعطيها إلى أنظمة الذكاء الاصطناعي (مثل ChatGPT ) بشكل واضح للحصول على نتائج مثالية.
يعنى ببساطة، هى طريقة بنكتب بيها الكلام اللى بنطلبه من الذكاء الصناعى، سواء كان سؤال، طلب، أو وصف، علشان نضمن إننا ناخد أحسن نتيجة ممكنة.
يعنى مثلًا بدل ما تقول له "اكتب موضوع عن الطاقة"، قوله:
"بصفتك كاتب ذو خبر اكتب لى مقال بسيط عن أهمية الطاقة المتجددة للأطفال فى سن 10 سنين".
شايف الفرق؟ كل ما كنت محدد، كل ما النتيجة كانت أحسن.
ليه ظهرت مهارة هندسة الأوامر؟ و ليه بقت مهة ؟
مع التطور السريع لأدوات الذكاء الاصطناعي، أصبح واضحًا أن نفس الأداة تعطي نتائج مختلفة اعتمادًا على طريقة استخدامك لها.
فبدأ المستخدمون يلاحظون أن الصياغة تؤثر في الناتج، وظهرت الحاجة إلى هذه المهارة الجديدة التي تحول الذكاء الاصطناعي من مجرد أداة إلى مساعد ذكي حقًا.
يعنى نفس الأداة ممكن تديك نتائج رهيبة أو ضعيفة جدًا على حسب أنت كتبتلها إيه.
والموضوع ده مش محتاج تكون خبير، كل اللى محتاجه إنك تعرف تصيغ الكلام صح.
أمثلة من حياتنا اليومية
- مدرس كتب لـ ChatGPT حضّر لى درس عن الكسور ، الرد كان ضعيف.
لكن لما كتب "حضّر لى درس مبسط عن الكسور للأطفال فى الصف الرابع، باستخدام مثال من البيت"، النتيجة كانت هايلة.
-واحدة بتشتغل مصممة، وعاوزة تولّد صورة على أداة ذكاء صناعى.
لما كتبت "طفل بيلعب"، طلعلها صورة عادية جدًا.
لكن لما كتبت "طفل صغير لابس لبس كرتونى بيلعب فى حديقة"، الصورة بقت رائعة.
من الذى يحتاج إلى تعلم هندسة الأوامر؟
- صناع المحتوى .
- المدرسين .
- المصممون.
- المبرمجون.
- اللى بيشتغل فى السوشيال ميديا.
- أى حد بيستخدم أدوات AI أصلاً.
- حتى الآباء الذين يستخدمون الذكاء الاصطناعي لمساعدة أبنائهم في المذاكرة.
ابدأ بتجربة بسيطة:
🔹 اكتب أمرًا عامًا، ثم لاحظ النتيجة.
🔹 بعد ذلك، أعد كتابة الأمر بإضافة: (الموضوع – الهدف – الجمهور المستهدف – النغمة).
ستجد فرقًا كبيرًا في النتيجة.
ومع الممارسة، ستطور أسلوبك الخاص في التعامل مع الذكاء الاصطناعي.
فى النهاية نقدر نقول ان :-
هندسة الأوامر دى مش حاجة صعبة ولا معقدة،
دى ببساطة فن إنك تطلب صح علشان تاخد نتيجة مظبوطة.
كل اللى محتاجه إنك تكون واضح، وتكتب بتفاصيل.
و هى بتحتاج الى وعي وتجريب وتحسين مستمر.
طيب هستفيد إيه من استخدامك هندسة الأوامر؟
✅ هتوفر وقتك ومجهودك.
✅ هتلاقى اللى فى دماغك بيتنفّذ بدقة.
✅ شغلك هيبقى أسرع و جودته عالية .
✅ هتتعامل مع الذكاء الصناعى كإنه فريق كامل معاك بيساعدك.
لسة فى مقالات تانى لو عجبك المقال ممكن تتابعنى .
