سبب انقطاع النت فجاه وكيف اصلاحه بنفسك في البيت

سبب انقطاع النت فجاه وكيف اصلاحه بنفسك في المنزل 

…مشكله انقطاع انت فجاه من اكتر الحجات اللي بتعصب , خصوصا لو شغال , بتزاكر , او بتتفرج علي حاجه ومندمج معاها . الاسباب بتختلف , ممكن تكون حاجه هبله في الروتر و ممكن تكون في الخط نفسه , بس قبل ما ترفع السماعه وتتصل بلدعم الفني وي توجع دماغك , في كام خطوه سريعه بتعملهم وي بيحلو المشكله في معظم الاوقات . 

 

الخطوه الاولي : راستر الراوتر و افتحه تاني (الحل السحري لكل المشاكل)   

1. افصل الفيشه بتاعت الراوتر تماما .
2. اتني حوالي نص دقيقه او دقيقه ( المكثفات تفضي و الزاكره الموقته تتمسح ) .
3. شغل الروتر تاني و استني لحد ما اللمبات كلها تفتح تنور و تستقر , وبالذات لمبه  DCL . 

الخطوه الثانيه : بص بصه علي السلوك و التوصيلات  

سعات المشكله بتكون سلك اتحرك من مكانه او اتهز بسبب التنظيف او حركه في البيت 

1. تاكد ان سلك التيليفون راكب صح في السبلتر (العلبه البيضاء الصغيره) ومفتوح كويس . 
2. لو موصل الكمبيوتر بسلك (LAN), شيله وركبه تاني لحد ما تسمع صوت التكه . 
3. افخص السلوك وشوف لو فيه سلك مقطوع او معقود .  

الخطوه الثالثه : اسمع حراره التلفون الارضي  

لو انت عندك شغال علي نت ارضي , جرب الخطوات ديه 

1. ارفع سماعه التلفون الارضي وشوف في حراره ولا الخط قاطع .
2. لو مفيش حراره او فيه صوت وشوشه جامد , يبقي المشكله في خط التلفون نفسه مش في الراوتر , وهنا لازم تبلغ اعطال التلفونات .   

الخطوه الرابعه : اعمل نسيان للشبكه 

احيانا المشكله بتكون من الوبيل او الاب توب بتاعك انت بس و النت شغال عادي عند باقي الناس في البيت

1. ادخل علي الاعدادات الواي فاي في الموبيل او الاب توب . 
2. اعمل نسيان للشبكه النت بتاعتك . 
3. اعد البحث عنها و اكتب الباسورد من جديد 

الخطوه الخامسه : غير ال (DNS) في الراوتر  ( الخطوه ديه بتسرع التصفح و بتحل مشكله عدم فتح المواقع ) 

لو اللمبات كلها منوره خضراء في الراوتر بس الصفحات مش بتفتح ,غالبا ديه مشكله في سيرفرات الشركه 

1. ادخل علي اعدادات الراوتر وي غير ال DNS جوجل الشهير :   8.8.8.8  :Primary .

                                                                                                                                       8.8.4.4   : Secondary   .

الخطوه السادسه و الاخيره : كلم الدعم الفني 

لو جربت كل ده و انت لسه مش شغال , يبقي كده العطل من الشركه نفسها , ممكن بيعمله صيانه في المنطقه ,وي ممكن الباقه النت خلصت او  ممكن مشكله في البورت بتاعك  

1. اتصل بلدعم الفني وي خليهم يعملو اعاده تنشيت للخط من عندهم او يفتحولك بلاغ عطل . 

 

الكلمه الاخيره من واقع تجاربي الشخصيه

 عن تجربه سنين مع حوار النت المقطوع ده ,مش كل مشكله بتواجهك محتاجه فني يجيلك البيت ولا انتظار بالسعات علي خط الدعم الفني . امشي علي الخطوات ديه بلترتيب و 90% من المشاكل هتتحل معاك انشاء الله . 

……. لو عندك مشكله تانيه واقفه ادامك في الموضوع ده اكتب لي في التعليقات تحت و شغلك ايه اللي عطل بسبب النت وي هرد عليك بنفسي ونحله مع بعض انشاء الله  ,  

 

اتمني ان الموضوع يقيدك و ان يستفاد الجميع و السلام عليكم ورحمه الله وبركاته ..