مكونات الشخصية السوية في علم النفس

المقدمة:-

-السلام عليكم ورحمة الله وبركاته عاملين ايه اصدقائي جاية النهاردة بمقال موضوع جديد يلا نبدأ. 

الموضوع:-

_{-نبدأ بإننا نشوف طفلين قاعدين بيتخانقوا لمي وإياد اخوات الفرق بينهم سنتين بيسأل اياد:} 

_{اياد: ايه رأيك في اللي قالته المس في المدرسة؟!} 

_{لمي بلامبالاة: معرفش بس شايفة ان مقالتش حاجة غلط.} 

_{إيادبإنفعال: ازاي دة في معلومة غلط قالتها.} 

_{لمي: عادي وارد جداا.} 

-اياد يسيب اخته ويجري علي والدته علشان يشتكيها. 

-اياد: ماما ماما شوفتي لمي واللي بتقوله، مالها بتقول ايه لما بسألها عن رأيها في كلام المس وقالت عادي وهي مش مهتمة.

الام: ايه يعني جايز ماخدتش بالها من كلام المس وحتي لو خدت فعادي لان ببساطة كل شخص فينا ليه اهتمامات وتفكير واراء غير التاني لازم تعرف دة وتقدر الاختلاف. 

اياد: حاضر يا ماما بجد اخر مرة. 

الام: المهم تكون اقتنعت بكلامي. 

-سامعة صوت حد بيسأل ويقول طب ايه الغرض من القصة دي.. 

-انا هاوضح دلوقت هنا في قصتنا دي في ادوار زي الام والاخ والاخت والابن والابنة ودة بالظبط اللي بيحصل وبيتكون منه الشخصية فلما نركز هنلاحظ ان كل شخصية فيها الشخصية البالغة ودي فيها حاجتين الاب او الام الراعية ودي بتوجه نحية الصح وفي شخصية الانا المتمثلة في الابن اللي زعل لمجرد ان ملاقش اهتمام بكلامه من اخته. 

االخاتمة:-

-في نهاية مقالنا احب اوجه رسالة لكل ام واب حبوا اختلاف ولادكوا ووجهوهم ليحبوا نفسهم وربوهوم ان يقدروا اختلاف كل واحد ومش معني انه مختلف عنهم يبقي وحش لان ببساطة مافيش حد شبه حد ومافيش حد كامل جايز يكون فيه نقطة تلاقي بينهم بس ماحدش زي التاني حبوا ولادكوا ونفسكوا قبل ماتحبوا الناس لان مافيش حاجة تساوي حبكوا لاولادكوا. 

-وبلاش تخلوهم يحسوا ان فيه اختلاف وفرق بينكوا وعودوهم يحكولكم كل اللي بيمرو بيه حب مش خوف لان الخوف هايبعدهم عنكوا ودة هايكون كافي ان يحميهم من اي ضرر او شر حواليهم من خلال تعاملهم 

-هنا ينتهي مقالنا اتمني ينال اعجابكم ومنتظرة رأيكم.