أسرار مطبخ المحتوي: ج٥ عن كتابة المحتوي من الصفر إلي الإحتراف
🔸الـ Body ....
ازاي نقدر نكتب Body قوي و فعال و مفيد للقارئ؟
- بعد ما بحثنا 🔍 عن الموضوع اللي هنكتب عنه بالطرق اللي اتعلمناها، و جمعنا Data كتير، دلوقتي محتاجين نرتبها بشكل منظم في جسم المحتوي (Body)، طب نعمل دا إزاي؟
1️⃣ اكتب المحتوي بطريقتك و أسلوبك فإن كل واحد ليه أسلوب مختلف.
2️⃣ لو فكرة الموضوع واحدة، فكل واحد يكتبها في بوست و يعرضها بأسلوب مختلف، فأكتب بطريقتك و متقلدش حد.
3️⃣ لو بتكتب بوست طويل الهدف منه إنك تخلق Awareness عند جمهورك بالمنتج أو الخدمة بتاعتك، قسم البوست لفقرات، و كل فقرة تحت عنوان معين هنتكلم عنه، و العناوين دي بنسميها (Sub headlines - عناوين فرعية).
4️⃣ بعد تقسيم المحتوي لفقرات، خلي بين كل فقرة و فقرة مسافة، لإن الموضوع دا بيريح عين القارئ و بيسهل علي المخ الإستيعاب، و بيشجعه علي قراءة المحتوي كله.
5️⃣ لو محتاج تعدد شئ إعمله في شكل أرقام (List).
6️⃣ ابدأ بأكتر فكرة فيها معلومة جديدة أو غريبة.
7️⃣ الأفكار لازم تكون مربوطة ببعض، و مرتبة بطريقة منطقية.
8️⃣ استخدم علامات الترقيم، لإنها لتساعد في فهم سياق الكلام.
🔸آخر حاجتين من مكونات ال POC و هما:
Summary - Call To Action (CTA).
1️⃣ بالنسبة للملخص - Summary، فليه بتكتب ملخص في الآخر؟
- لإن في ناس كتير اللي بيثبت في ذهنها هو آخر حاجة قرأتها، عشان كدة بنعمل تلخيص سريع للي اتكلمنا فيه.
طب ازاي نكتب Summary؟
* ببساطة ممكن الملخص يكون عبارة عن الفكرة العامة أو الرسالة اللي عايز توصله أمن خلال المحتوي.
* و ممكن تربطه بالفكرة الجديدة اللي هتكتب عنها.
* ممكن تربطها عن طريق Pain - Claim - Gain يعني:
توضح الحاجة اللي كانت مسبباله ألم - Pain، و بيشتكي منها، و المكسب اللي عاد عليه لما عرف الحل من خلال الـ POC بتاعتك.
* يفضل تكون عبارة قصيرة قصيرة.
2️⃣ Call To Action (CTA)
- ممكن تطلب الفعل اللي انتا عايزه بشكل واضح و صريح.
- تحاول تربط إجراء الفعل بالمنفعة اللي هتعود عليه لما يعمله، أو أو الحاجة اللي ممكن يخسرها لو معملوش.
- حاول دايما تخاطب مشاعر جمهورك، لإنها من المحركات الأساسية في إجراء الفعل.
- المهم إنه لازم يكون واضح و بسيط و قصير قدر الإمكان، عشان تشجع الجمهور علي فعله.
و بكدة نكون عرفنا مع بعض إزاي نقدر نكتب محتوي POC من A-Z، من أول الفكرة و البحث و تحديد الجمهور المستهدف و تقسيمه لشرائح لغاية الإجراء أو الفعل اللي بتطلب من جمهورك إنه يعمله لما يقرأ المحتوي بتاعك.
🟠 هنبتدي نطبق الكلام دا عملي و نشوف وصلنا لإيه و أي حد حابب يعرض أفكار و يطبق عليها كل اللي اتعلمناه يكتبها في التعليقات عشان الكل يستفيد.
بس كدة؟
لا عايزين كمان نعرف قبل ما ننهي الجزء دا الفرق بين نوعين من المحتوي بنسمع عنهم كتير و هو السؤال الذي قُتل بحثاً:
🔸إيه الفرق بين الـ Content Writing و الـ Coby Writing؟
1️⃣ Content Writing:
- هو كتابة محتوي يخلق عند الجمهور وعي بالعلامة التجارية، و يجعلهم يثقوا فيها، و يساعد في رفع ولائهم ليها.
طب ازاي اقدر اعمل دا؟
١- عن طريق إني اقدم محتوي ألبي فيه إحتياجات العملاء، و أعبر فيه عن مشاكلهم و أقدملهم حلول ليها.
٢- أقدملهم معلومات مفيدة عن المجال اللي بكتب عنه، هتغير حياتهم للأفضل.
طب إيه هي المهارات اللي لازم تتوفر في الـ Content Writer؟
- بيحب البحث عشان يقدر يكون عنده معلومات مهمة و مفيدة في كل مجال هيكتب فيه، و يقدر يقنع الناس بيه، و يكون أسلوبه في الكتابة سهل و بسيط و منظم، لإن الهدف من اللي بيكتبه تعليمي، زي ما قلنا قبل كدة عن المهارات اللي واجب توافرها في كاتب المحتوي.
🟠 الخلاصة إنه زي ما قلنا في الأول إنه بيقدم الفايدة قبل الإستفادة، يعني بيديك اللي انتا محتاجه من غير ما يطلب منك أي شئ، و بيطلق عليه استراتيچية بعيدة المدي، لإنه بيحتاج لوقت لبناء الثقة بين الطرفين.
2️⃣ Coby Writing:
- هو كتابة محتوي الغرض منه تحريك الجمهور للقيام بفعل معين، زي:
الشراء - تنزيل كتاب - الضغط علي لينك - مشاهدة فيديو - إنشاء رسالة، .... أو أي فعل يتطلب من الجمهور تفكير و تنفيذ.
طب إيه هي المهارات اللي لازم تتوفر في الـ Coby Writer؟
- يكون بيكتب عناوين بتلفت إنتباه الجمهور، و بيعرف يكتب محتوي قصير و مقنع في نفس الوقت.
🟠 الخلاصة إنه بيكتب محتوي الهدف منه البيع، سواء كان بيع منتج أو خدمة أو فكرة معينة.
و زي ما عرفنا إن الـ Content Writer هو اللي بيكتب محتوي مكتوب للسوشيال ميديا سواء محتوي تعليمي أو بيعي ، هنلاقي كمان في مسميات تانية غير زي الـ Script Writer و هو الشخص اللي بيكتب محتوي مرئي Videos أو مسموع Podcasts.
و في الجزء الجاي هنتعرف مع بعض عن أسرار مهمة جدا من مطبخ المحتوي فأنتظروا و تابعوا عشان هيكون جزء مهم جداً.
