حساب معادلات الشد على الواير خلال عمليات الرفع و الصبين

#معلومة ع الماشي #

-خلال عمليات الرفع يتم تحديد قوة الشد/الاجهاد المؤثر ع الوايرات من خلال عدة عوامل أهمها الاتي.. ١- #عدد_الوايرات بالنسبة للوزن الكلي للطرد. لنعلم نص المعادلة العامه العامه: الشد ع الواير تساوي وزن الطرد ع عدد الوايرات مضروب ف معامل الشد

صباح الخير على الجميع
# هنتكلم عن #حساب الشد علي الويرات#
#حساب الشد والاجهاد علي الويرات#
#من اشكال التصبين انك تصبن الواير بزاوية طيب ايه الهدف من حساب الشد ....ببساطة الهدف منه انك تختار الواير المناسب ليك عشان ترفع بيه الحمل وميحصلش عندك فشل في مكونات عملية التصبين (rigging failer)وعملية فشل التصبين دي بتمثل نسبة كبيرة من حوادث الاوناش
#طيب ازاي أحسب الشد والاجهاد الواقع علي الويرات لما أصبن بزاوية ؟؟؟؟؟؟
#الاجابة :
#اولا لازم تحط القاعدة دي في دماغك والقاعدة دي كالتالي :
(كلما قلت الزاوية التي يصنعها الواير مع الحمل كلما زاد الشد والاجهاد علي الواير )
#ثانيا الشد والاجهاد علي الواير يساوي وزن الطرد مضروب في معامل الزاوية مقسوم علي عدد الويرات بحد أقصى ٣ ويرات
#طيب انا عارف وزن الطرد وعارف عدد الويرات اجيب معامل الزاوية ازاي ؟؟؟؟
#الاجابة 
في جدول لمعامل الزاوية علي حسب زاوية الواير مع الحمل ولو مش عاوز تجيب من الجدول في طريقة تانية والطريقة دي كالتالي :
(معامل الزاوية =L/H)
Lمقصود بيها طول الواير 
Hمقصود بيها الارتفاع المسافة العمودية من منتصف هوك الونش حتي مركز ثقل الحمل 
**طيب في طريقة تانية لو انت عارف زاوية الواير مع الحمل (معامل الزاوية= ١/جا الزاوية )
#كده نخش علي المثال اللي موجود معانا في الصورة اسفل البوست 
وزن الحمل ٤ طن 
طول كل واير ١٠ متر 
الارتفاع (H) ٨ متر 
أحسب الشد والاجهاد علي الواير 
#Tenstion=(L÷H)×(
W÷N)
=4000×1,25÷2
=2500kg 
يعني ٢,٥طن لكل واير
#طبعا لازم تسالني ليه بنقسم بحد أقصى ٣ ويرات ببساطة لأن ده بيدي معامل امان اكتر لانك اما هتقسم علي تلاتة بس هتختار واير سعته اكبر وبالتالي هتكون مصبن كويس 
#في النهاية ده شكل من أشكال التصبين بزاوية وفي أشكل تانيه كتير هنشرحها باذن الله في البوستات الجاية وشكرا.....