لماذا لا تزال ببجي موبايل تسيطر علي العاب الموبيل والإنترنت
*ببجي موبايل: ليه لسه متربعة على عرش العاب الموبايل لحد النهاردة؟*
لو معاك موبايل أكيد في يوم من الأيام نزلت ببجي موبايل حتى لو مسحتها بعدها. اللعبة اللي نزلت سنة 2018 قدرت تغير شكل الألعاب على الموبايل تماما ولسه لحد النهاردة ليها ملايين اللاعبين في مصر والوطن العربي.
*فكرة اللعبة ببساطة*
ببجي فكرتها سهلة ومش معقدة. 100 لاعب بينزلوا من طيارة على جزيرة، كل واحد بيدور على سلاح ودرع وشنطة، وآخر واحد يفضل عايش هو اللي بيكسب. الفكرة دي اسمها باتل رويال وهي اللي خلت اللعبة حماسية لأنك كل جيم بتدخل تجربة مختلفة تماما. مرة تموت أول واحد ومرة تجيب 10 كيل.
*أهم الخرائط اللي لازم تعرفها*
اللعبة مش خريطة واحدة. أشهر خريطة هي *إرانغل* ودي الخريطة الكلاسيكية اللي كل الناس بتحبها عشان كبيرة وفيها أماكن كتير زي بوتشينكي وسكول.
تاني خريطة هي *ليفيك* ودي صغيرة وسريعة والجيم فيها بيخلص في 15 دقيقة بس، مناسبة لو معندكش وقت.
في كمان *سانهوك* اللي كلها شجر وزرع ولازم تاخد بالك كويس، و*ميرامار* اللي صحراء وبتعتمد على القنص من بعيد. كل خريطة ليها طريقة لعب مختلفة.
*ليه الناس بتحب ببجي لحد دلوقتي؟*
أول سبب هو انها لعبة جماعية. تقدر تلعب مع صحابك وتفتحوا مايك وتتكلموا وانتوا بتلعبوا، وده بيخليها مسلية أكتر من أي لعبة تانية.
تاني سبب هو التحديثات المستمرة. كل شهرين الشركة بتنزل مود جديد وسلاح جديد ولبس جديد فمش بتحس بملل.
تالت سبب هو انها تشتغل على أي موبايل. حتى لو موبايلك ضعيف تقدر تشغلها على جرافيك قليل وتلعب عادي.
*أخطاء بتخليك تموت بسرعة*
ناس كتير بتموت بسرعة عشان بتنزل في أماكن زحمة وهي لسه مبتدئة. لو انت جديد انزل بعيد عن الطيارة لحد ما تجمع سلاح كويس.
تاني غلطة هي انك تفضل تجري في الزون المفتوح. دايما خليك جنب شجرة او بيت عشان محدش يقنصك.
واهم حاجة متلبسش لبس ملفت، خليك لابس حاجة غامقة عشان متبنش بسهولة.
*هل ببجي بتأثر على الموبايل؟*
اللعبة مساحتها كبيرة شوية حوالي 3 جيجا بعد كل التحديثات، وبتسحب بطارية ونت. عشان كده حاول تقفل التنزيل التلقائي للخرايط من الاعدادات وتشغلها على 60 فريم بس لو موبايلك بيسخن.
في النهاية ببجي موبايل مش مجرد لعبة، هي بقت مكان بتقابل فيه صحابك كل يوم وتفك عن نفسك شوية بعد يوم طويل. لو لعبتها صح وبذكاء هتلاقي نفسك بتعلى في الرانك بسرعة وتستمتع بيها اكتر.
تعرف على سر استمرار لعبة ببجي موبايل في الصدارة حتى الآن، وأهم خرائطها وأخطاء المبتدئين التي تجعلك تخسر بسرعة وكيف تتجنبها لتصل للكونكر. اتمني ان يكون اعجبكم مقالي وشكرآ علي تقيمكم السلام عليكم ورحمه الله
الرجاء تسجيل الدخول لتتمكن من التعليق