البرمجيات الحره وبرمجيات مفتوحه المصدر | اكيد ما بتعرف شو هما تعال اعرف شو هما واعطينا رائيك

السلام عليكم 

اكيد بيوم من الايام سمعت عن اشي اسمه برمجيات حره وبرمجيات مفتوحه المصدر واول شي اتبادر لذهنك شو يعني برمجيات حره وشو يعني مفتوحه المصدر ويمكن بحثت على اليوتيوب وجوجل بس ما وصلت للاجابه الي تبينلك الفرق بينهم او شو يعني حره او مفتوحه المصدر  طيب ما عليك انا راح اشرحلك الموضوع بكل بساطه واخليك تعرف كل وحده فيهم وشو الفرق بينهم و اعطيك مثال على كل وحده فيهم 

بالبدايه خلينا نعرف شو يعني برمجيات حره 

شو هي برمجيه حره لحتى تكون برمجيه حره لازم تكون الك الحريه بتشغيل البرنامج وقت ما بدك ولاي غرض بدك اياه وكمان لازم تكون الك الحريه الكامله لحتى تعرف طريقه عمل البرنامج وتكون الك الحريه في اعاده بناء حسب رغبتك ولازم توصل لشيفره المصدريه وحتى تكون برمجيه حره لازم تكون الك الحريه بتوزيع نسخه من الشيفره المصدريه لاصحابك او اي شخص بدك اياه وكمان لازم تكون الك الحريه بتوزيع نسخه من برنامجك المعدل لاي شخص بدك اياه وهون بتوقع اقدرت تفهم شو يعني برمجيه حره بكل سهوله 

طيب البرمجيات حره مثل شو 

من الامثله على برمجيات الحره python , php,Ruby,My sql   وانظمه اداره المحتوى الخاصه بالموقع مثل Wordpress

بعد ما اعرفنا شو يعني برمجيات حره خلينا نحكي شو يعني برمجيات مفتوحه المصدر 

كثير بنسمع مصطلح مفتوح المصدر او open sorce  يمكن تكون لغات برمجه ويمكن تكون تطبيقات وكثير بحثنا على جوجل شو يعني مفتوحه المصدر وما لقينا الا اجابه وحده والي هي اي شخص يمكن التعديل عليها  وانا بعتبرها اجابه غير كافيه وما بتوصلنا المعلومه 100% بالرغم انه اجابه صحيح بس هاي الاجابه غير كامله طيب برمجيه مفتوحه المصدر لازم برضه يكون الك الحريه بالنشر و الك حريه بالشيفره المصدريه وكمان الك حريه بالتعديل وانك تحافظ على الشيفره المصدريه للمؤلف وبنفس الوقت ممنوع الشيفره المصدريه تمنع اي شخص من استخدام البرنامج اذا احتاج توظيفه في اي مجال 

خلينا نحكي امثله عن برمجيات مفتوحه المصدر 

من الامثله عليها نظام التشغيل Linux   ومتصفح الانترنت Firefox  ومحرر النصوص notepad

طيب شو الفرق بينهم 

بنلاحظ انه ما في فرق بينهم  والفرق بالتسميه والفلسفه والاثنتين نفس الاشي وانه بعتمد تصنيف حره او مفتوحه المصدر على تحقيق جميع شروط رخصتها والي هي تكون الك الحريه المطلقه بكل شي 

اذاً قدرنا نعرف  شو يعني برمجيات حره وشو يعني برمجيات مفتوحه المصدر واقدرنا نميز بينهم ونعرف الفرق بينهم وبعد هيك اجى دور نعرف شو مميزات كل وحده فيهم وبما انه معرفتنا قليله بهاي البرمجيات هيك بنكون ضيعنا على حالنا فرصه الانتفاع من مزايها او يمكن نكون اكثر عرضه لنقع ضحايا في برامج الهكر الي بنظطر كثير نلجا الها بسبب ارتفاع اسعار البرامج الاصليه لهيك راح نحكي بهاذ المقال عن مميزات كل وحده فيهم 

بالبدايه خلينا نعرف مزايا برمجيات الحره 

1- من اهم مزايها انه بتوفر عنصر الامان العالي وانت بتستخدم برمجياتها وهيك ما بتهكل هم اي اختراق او هكرز 

2- والميزه الجميله انها فائقه السرعه في تشغيل يعني ما راح تمل وانت تستنى بانه تشتغل البرمجيه لانه مجرد ما فتحت برمجيه بتكون واجهه الاستخدام جاهزه في ثواني 

3- والميزه الثالثه انه بامكانك تتغلب على جميع الاعطال والثغرات الموجوده لانه  دائما بتتطور وبتتعدل 

4- والميزه الرابعه ما راح تهكل هم كم تدفع اشتراكات او شراء هاي البرمجيات لانها مجانيه بالكامل 

5- ومن اجمل مميزاتها انها بتدعم عدد كبير من اللغات وهاذ الاشي بخلي استخدامها سهل في مختلف بلدان العالم 

6- واخر ميزه انه بتعطيك القدره على اكتشاف اي خطا والعمل على حلها بحلولك البرمجيه 

واجى دور نعرف مزايا برمجيات مفتوحه المصدر 

1- من مزايا برمجيات مفتوحه المصدر انها امنه ولما نحكي امنه انه بتخضع لرقابه المطورين وهيك ما بقدر اي شخص يضع اي برامج خبيثه اوضاره وخصوصا انه بامكان اي شخص الاطلاع على شيفره المصدر  واكتشاف البرامج الموجوده 

2- الميزه الثانيه هي من احلى الميزات الموجده انها مجانيه او بتكلفه بسيطه بما انه اغلبها مجانيه او بتكلفه بسيطه بنفهم انه هاي البرمجيات غير قائمه على الربح 

3- والميزه الثالثه هي الي بتشجعك انك تلتجى لهاي البرمجيات والي هي انها دائمه التطور والنمو ولما نحكي هيك اكيد بكون في عدد كبير من المطورين وبقوم كل مطور بارسال تعديلاته للمطورين الاخرين وهيك انت بتكون المستفيد الاكبر لانه بتساعد على حل جميع مشكلات البرامج بشكل اسرع من برمجيات مغلقه المصدر 

4- واخر ميزه وهي الي دائما بنتمناها تكون موجوده لما نشتري اي منتج بحياتنا والي هي الدعم الخارجي وبهيك ما بنتغلب ابدا اذا وجهتنا اي مشكله وبنلاقي كثير ناس تحل النا المشكله 

وبعد ما عرفت مميزات كل وحده فيهم احكيلنا رائيك بتعليق شو بتفضل بينهم وشو بتختار وهيك وصلنا لنهايه المقال وبتمنى انه استفدوا منه بالقدر الكافي والى اللقاء بمواضيع جديده ان شاء الله .