عمرك سمعت عن السحابة المحوسبة او الـــ cloud اكيد اسمعت ولكن ما بتعرف شو هي تعال احكيلك عنها
السلام عليكم بهذا المقال راح نعرف شو هو الـ cloud بعدين راح ننتقل ونشوف امثله عن شركات بتقدم خدمات عن الكلاود يلي يمكن احنا بنسخدمها كل يوم بحياتنا اليوميه وما بنعرف عنها وبعد هيك راح نعرف اكثر ونتعمق ونعرف عن الخدمات الي بتقدمها شركه امازون كلود .
خلينا نبدا نعرف شو يعني كلاود او ما تعرف باللغه العربيه حوسبه سحابيه :-
الحوسبه السحابيه باختصار هو مصطلح ولكن انا راح اعرفه بطريقتي الشخصيه
الكلود احنا بنستخدمه لما نشير لمصطلح لما بدنا نشير لشركه مثل امازون كلود او جوجل كلود هاي الشركات بتقدم برامج او اجهزه كخدمه عن طريق الانترنت
شو يعني بتقدم هاي الشركات خدمه كبرنامج
يعني هاي الخدمه على شكل برنامج اما web app او mobail app بوقتنا الحاضر كلنا عندنا موبايل و اغلبنا عنده موبايل اما ايفون او سامسونج يعني اندوريد او ios عنا بالسامسونج اسمه سامسونج كلاود والايفون عنا اي كلاود هذول البرامج ممكن تعمل نسخه احتياطيه لموبايلك او ممكن ترفع صورك وملفاتك واي شي بدك اياه عليهم في حال لا سمح الله صار شي ع موبايلك بتقدر تستخدم اي موبايل ثاني ودخل الايميل والباسورد وتستعيد كل ملفاتك وبياناتك لما نحكي انه ملفاتنا مخزنه بالكلاود اكيد ما بنقصد انها مخزنه بالموبايل انما بتكون مخزنه بسيرفر يسمى data center هاذ السرفر بكون بغرفه ما داخل الشركه زي ما احنا شايفين بالصوره تحت
Data center تحتوي على الاف السرفرات او الكمبيوترات ولكن بتكون مواصفاته بتكون اعلى بكثير من الكمبيوتر العادي الي موجد عندنا بالبيت لما نحكي انه شركه بتقدم خدمات مثل شركه امازون كلاود احنا بنقصد انه بنقدر نستاجر السيرافرات الموجده داخل الشركه
خلينا نعرف من وين اجت فكره السحابه المحوسبه او الكلاود :-
زمان لما كنا بدنا نخزن صوره او ملف كنا نستخدم فلاش ميموري او سي دي روم او على هارد دسك او على كمبيوتر الشخص او حتى على الموبايل طبعا كل هل الوسائل الي ذكرناهم فوق في حال صار فيهم اي عطل او تعرضوا للسرقه او ضياع بنفقد كل البيانات الي خزناهم ومن المستحيل نصل لمعلوماتنا ومن هون اجت فكره السحابه انه نرفع كل البيانات على سيرفر وباي وقت بنقدر نسترجعها من دون ما نفقد شي منها
من فوائد الكلاود:
1- بتوفر المصاريف التشغليه مثل صيانه و اجور موظفين وكهرباء علشان تشغل هاي الاجهزه
2- وكمان بنستفيد منها انه بتزيد قدرت الشركات على توفير الخدمات بشكل مستمر من خلال تواجد الخدمات على الانترنت بشكل دائم وباكثر من مكان بنفس الوقت يعني البيانات بتكون موجده باكثر من نسخه و باكثر من مكان احتياطاً في حال ثار اي شي للبيانات او المكان الي موجد فيه المعلومات فبكون دائما موجود نسخه احتياطيه متوفره في مكان ثاني طبعا عن طريق Business contact plan و availity jones
3- بنستفيد ايضا انه بتكون في درجه عاليه من الامان المادي لانه بياناتك بتكون موجوده في اماكن مش مسموح لناس العاديين يدخلوها
خلينا نعرف الخدمات الي بتقدمها الكلاود (saas , laas, paas) :
الكلاود بتقدملنا :-
- Saas ---à software as a service
- Laas ---à infrastructure as a service
- Paas -------à platform as a service