إزاي تبدأ تكتب مقالات وتكسب فلوس وانت لسه مبتدئ؟
فيه ناس كتير بتفتكر إن الربح من النت محتاج خبرة كبيرة أو معدات خاصة، بس الحقيقة إنك تقدر تبدأ من الموبايل العادي، أهم حاجة تكون عندك رغبة تتعلم وتستمر، لأن البداية دايمًا بتكون صعبة شوية، بس مع الوقت هتلاقي نفسك فاهم وبتكسب أكتر.
بص يا صديقي، دلوقتي الإنترنت بقى فيه فرص كتيرة جدًا، ومش لازم تكون خبير ولا عندك شهادة عشان تبدأ تكسب منه.
في المقال ده هقولك على 3 طرق بسيطة ومجربة تقدر تبدأ بيهم النهارده وانت في مكانك 😎👇
💻 1. الكتابة على المواقع اللي بتدفع فلوس
فيه مواقع زي أموالي و رقيم و متدرب بتدفعلك على كل مقال تكتبه ويتشاف من الناس.
و في مواقع اكتر بتدفع على الكتابة زي موقع مقالاتي أو موقع حسوب I/O، ودي أماكن ممكن تكتب فيها مواضيع حلوة وتتعلم كمان من ناس تانية عندهم خبرة. كل ما تكون كتابتك مفيدة وجذابة، كل ما فرصتك في الربح تزيد.
وكل ما الناس تدخل وتشوف مقالاتك أكتر، كل ما تكسب أكتر.
يعني مثلًا لو بتفهم في التقنية، الجمال، التعليم أو حتى الكورة، ممكن تبدأ بالمجالات دي و هتكون بداية قوية
الموضوع مش صعب خالص، كل اللي عليك انك تبدأ بس و تاخد اول خطوة و اللي جي هيبقى اسهل ان شاء الله.
🟢و نصيحة مني: خلي عنوان المقال يشد القارئ، زي “إزاي تكسب فلوس من النت وانت في البيت” أو “أفضل تطبيقات تكسب منها وانت فاضي”.
🎥 2. اعمل قناة يوتيوب
مش لازم تكون مشهور ولا عندك معدات غالية.
ممكن تبدأ بموبايلك، وتتكلم عن أي حاجة بتحبها: ألعاب، مراجعات، أو حتى قصص وأفكار.
ومع الوقت لما القناة تكبر، اليوتيوب هيبدأ يدفعلك من الإعلانات.
🟢 نصيحة: استخدم برامج بسيطة زي CapCut للمونتاج وCanva لتصميم الصور.
💬 3. التسويق بالعمولة
الطريقة دي في ناس كتير بتكسب منها
الفكرة إنك تروّج لمنتج أو موقع، ولو حد اشترى عن طريقك، تاخد نسبة (عمولة).
فيه مواقع زي جوميا أفلييت أو أمازون أفلييت تقدر تبدأ معاهم بسهولة.
🟢 نصيحة: ما تختارش أي منتج وخلاص، اختار حاجة انت فعلاً شايف إنها كويسة، عشان الناس تصدقك وتشتري من اللينك بتاعك.
✨ الخلاصة
الفلوس مش بتيجي في يوم وليلة، بس مع الوقت هتتفاجئ إن كل مقال بيزود رصيدك شوية بشوية. يعني متقولش “دي سنتات” لأن السنتات دي لما تتجمع هتعمل رقم كويس جدًا مع الاستمرار.
السر الحقيقي في النجاح في المجال ده هو إنك ما توقفش.
حتى لو أول كام مقال مجابوش مشاهدات، استمر ونزّل مواضيع جديدة.
كل ما تكتب أكتر، الموقع هيبدأ يرشح مقالاتك لناس أكتر، وساعتها الأرباح هتزيد لوحدها.
وفي الآخر، أهم حاجة متستعجلش، خليك صبور واستمر. ممكن أول مقال يجيب مشاهدات قليلة، بس مع الوقت والمواظبة هتلاقي النتائج بدأت تظهر، وساعتها هتكون مبسوط إنك ما وقفتش من البداية
