55 هوك Hook جاهز يمكنك استخدامهم الآن فى جميع المجالات

55 هوك Hook جاهز يمكنك استخدامهم الآن فى جميع المجالات

 

تخيل معي انك جالس على الكنبة وفى يدك الموبايل وتتصفح إحدى وسائل التواصل الإجتماعى، وأمامك الكثير من البوستات، 

الفيديوهات والريلز وفجأة لفت انتباهك بوست او فيديو وشاهدته بالكامل.

 

السؤال هنا: لماذا هذا البوست او الفيديو بالتحديد وقفت عنده وشاهدته حتى النهاية دونا عن بقية المحتوى الذي تراه؟

الإجابة: لأنه بدأ بـ هوك جذاب لفت انتباهك وجعلك متشوق لمعرفة ما فى البوست او الفيديو.

 

فى هذا المقال ستتعرف على عبارات هوك قوية تقدر تستخدمها فى محتواك فورا.

 

ما هو الهوك؟

الهوك: او ما يسمى بـ الخطاف هو عبارة عن أول جملة موجودة فى بداية البوست او المقال وفى أول 

3 ثواني من الفيديو، لذلك يجب أن يكون هوك قوي ويخطف الانتباه.

 

الهدف من الهوك:

جذب انتباه الجمهور ليقوم بقراءة البوست او المقال ومشاهدة الفيديو حتى نهايته.

 

انواع الهوك:

 

1- هوك الأرقام:

استخدام الأرقام فى الهوك وخاصة الأرقام الفردية له تأثير قوى على الجمهور، وتتمثل الأرقام فى: خطوات، نصائح، نتائج، 

إحصائيات ونسب مئوية.

 

أمثلة على هوك الأرقام:

1.  3 حاجات مهمة لازم تعرفها لو انت (اسم المجال)
2.  90% من الناس ميعرفوش السر ده
3. هقولك حققت النتائج دى ازاى فى 5 خطوات بس
4.  3 حاجات لازم تركز عليها قبل ما تبدأ فى ……
5.  عدد المتابعين زادوا الضعف لما اهتميت بالنقطة دى …..
6.  3 أدوات مجانية هتسهل عليك شغلك
7.  خلال 7 ايام زاد التفاعل عندى الضعف بتريكه واحدة بس
8.  أثبتت الدراسات والإحصائيات أن (نسبة مئوية) من مستخدمى الانترنت يفضلون مشاهدة الفيديوهات
9. خلال 30 يوم هتتعلم ازاى تعمل ….. خطوة بخطوة

 

2- هوك السؤال:

إسأل الجمهور بطريقة تُثير الفضول او تخص مشاكلهم ونقاط الألم لديهم.

 

أمثلة على هوك السؤال:

1.  ازاى زودت مبيعاتي أو ارباحى بنسبة 25% خلال شهر؟
2. ايه هى اصعب مشكلة بتواجهك فى (اسم المجال او اى حاجة تخص المجال)؟
3.  ازاى تخلى العميل يطلب منك خدمتك؟
4. امتى تقرر انك لازم تغير مجالك؟
5.  عُمرك تخيلت ليه ….. بيعمل …..؟
6.  ازاى تخلص شغلك فى وقت أسرع وبنفس الكفاءة؟
7.  ما هى الأداة التى لا تستغني عنها ابدا فى (اسم المجال)؟
8.  ايه اكتر حاجة بتعانى منها مع عملائك؟ 
9.  ايه الهدف اللى عايز تحققه الشهر الجاى فى (اسم المجال)؟

 

3- الهوك القصصي:

هو من افضل الطرق التى تجذب الجمهور، لأن عقل الإنسان مُبرمج الى الاستماع الى القصص.

بتبدأ فيه بجملة او عبارة تحكى فيها عن حكاية خاصة بيك او تخص شخص غيرك بشرط انها تكون حقيقية،

 فطبيعة البشر تحب الحكايات والقصص.

 

أمثلة على الهوك القصصي:

1.  حبيت النهاردة اشارك معاكم قرار اخدته من سنة
2. فى حاجة غريبة لسه حاصله معايا
3.  ازاى بتعامل فى ايامى الصعبة لما بتكون كل حاجة واقفة معايا
4.  تعالوا شوفوا معايا إجابة اكتر سؤال إتسألنى الفترة اللى فاتت
5.  اكتر نصيحة غيرت حياتى
6.  يوم فى حياتى( ما وراء الكواليس)
7. هقولك خطوة صغيرة عملتها بإستمرار حققتلى نتائج كبيرة
8.  فى البداية مكنش حد مصدق انى هحقق هدفى وفعلا حققته
9.  اللحظة اللى قررت استسلم فيها! طلعت هى نقطة البداية

 

قد يهمك أيضا: أسرع الطرق للحصول على فكرة محتوى جذابة فى 5 دقائق فقط

 

4- الهوك العاطفي:(هوك المشاعر)

 

 

يقول Zig Ziglar  لا يشترون الناس لأسباب منطقية ولكن يشترون لأسباب عاطفية 

90% من قرارات الشراء تكون من خلال المشاعر.

عند كتابتك لهذا الهوك استخدم المشاعر سواء: خوف، سعادة، غيره، راحة، ثقة، ندم، انجاز وهكذا.

 

أمثلة على الهوك العاطفى:

1. لو انت بتعانى من ….. البوست/ الفيديو ده ليك
2.  بعد ما استخدمت …… ثقتى فى نفسى رجعتلى تانى
3.  لو مطبقتش النصيحة دى هتلاقى منافسينك سبقوك
4.  اعرف المعلومة دى قبل ما تندم
5.  لو مش عايز تخسر شغلك اقرأ البوست ده
6. فى سر محدش قالك عليه عن …..
7.  كام فرصة ضاعت منك بسبب خوفك؟
8.  لو كنت مكانى! هتتصرف ازاى فى المشكلة دى
9. لو انت حاسس ان ( تحقيق هدف معين ) مستحيل، اطمن انت مش لوحدك. 
10. كفاية بقى تشيل عبء (مشكلة يومية)  دلوقتى تقدر ترتاح وتعتمد على (الحل المريح)

 

5- هوك الصدمة أو التحذير:

هذا النوع من الهوك يجعل المتابع ينتبه بشدة ويقرأ المحتوى باهتمام.

 

أمثلة على هوك الصدمة:

1.  ممكن تخسر كل حاجة لو ما اخدتش بالك من …..
2.  مفاجأة غير متوقعة!
3.  حاجة الكل بيعملها غلط وهما ميعرفوش
4.  أكبر كذبة فى (اسم المجال) لكن الحقيقة …..
5.  لو فضلت مكمل بنفس التفكير دة مش هتوصل لحاجة
6.  الفرق بينك وبين الشخص اللى نجح ….. هذا هو السر
7.  الغلطة دى هترجعك للصفر من تانى
8.  لو بتفكر ان ….. هو الحل تبقى غلطان
9.  تحذير: ابعد عن ….. عشان تقدر تكمل مشوارك بنجاح

 

6- هوك التحفيز:

نظرا لما يمر به الأنسان من صعوبات فإنه يميل إلى الجانب الذي يحفزه ويرفع من معنوياته وطاقته.

 

أمثلة على الهوك التحفيزى:

1.  اذا انا قدرت اعمل ….. فأكيد انت هتقدر
2.  إبدأ من النهاردة، مفيش حاجة فاتتك ( انت مش متأخر ولا حاجة)
3.  مكنتش اتصور ان حلمى يتحقق بس خلاص اتحقق
4.  أخيرا. تخلصت من التشتت
5.  حياتي اتغيرت للأفضل لما انتظمت على العادة دى يوميا
6.  جربت ….. ايه اللى هيحصلك لو جربت
7.  قبل ان تستسلم إقرأ هذا
8.  تذكير: النجاح يحتاج إلى وقت وجُهد وصبر
9.  أشخاص الهمونى وتعلمت منهم الكثير

 

الخلاصة:

فالهوك إما أن يشد انتباه الجمهور أو يُمَرّ عليهم مرور الكرام، فعليك ان تكتب هوك قوي وجذاب

 والآن اصبح بين يديك 55 هوك يمكنك استخدامه والتغيير فيه حسب المجال الذى تكتب فيه وحسب الهدف من المحتوى.

يمكنك متابعتى الان على موقع أموالي من هنا.

 

الأسئلة الشائعة:

ما هو الهوك؟

هو أول جملة فى البوست او المقال او اول 3 ثوانى فى الفيديو

 

ما أهمية الهوك؟

جذب انتباه الجمهور ليقرأ او يشاهد البوست او المقال او الفيديو حتى النهاية

 

انواع الهوك؟

هوك الأرقم، هوك السؤال، الهوك القصصى، الهوك العاطفي، هوك الصدمة وهوك التحفيز