دلوقتى تقدر تكسب 2$ من شغل ساعة يوميا من مشاهدة الفيديوهات

إزاى تكسب 2$ فى ساعة يوميا من مشاهدة الفيديوهات

لو انت لسه مبتدئ فى مجال الربح من الانترنت أو سمعت عن المجال ومش مصدق أو عايز تجرب وتبدأ فيه بحاجة بسيطة مش محتاجة خبرة ولا وقت تعمل منها مبلغ صغير جانبى شهريا ويكون بداية ليك فى طريقك للربح من الانترنت أو العمل على الانترنت يبقى المقالة دى ليك بس لازم تقرأ المقالة للاخر عشان تعرف ازاى أنا كسبت منه ومازلت بكسب منه من شغل نص ساعه فى اليوم حرفيا فقط من مشاهدة الفيديوهات وكمان تقدر تعمل الشغل ده من الموبايل.

نبذة مختصرة عن الموقع:

الموقع اللى هنتكلم عنه النهارده هو موقع sproutgigs لو عارفه ممكن تتخطى النقطة دى واللى بعدها ولو مش عارفه تعالى معايا نتعرف عليه مع بعض:

• مبدأيا الموقع هو موقع شهير جدا وهو يعتبر أشهر موقع للربح من المهام المصغرة بدون خبرة وكمان هو الأعلى معدل دفع يعنى مثلا انت مثلا ممكن تعمل مهمه زى إنك تنضم لقناة أو جروب على تلجرام أو واتس أو غيره بحوالى 0.04$ أو 0.05$، يعنى 20 مهمه من دول تكسب منها 1$ وده مبلغ لايستهان بيه قصاد المهمه السهله اللى عملتها ومقارنة بالمواقع الأخرى فهو حلو جدا يعنى 1$ دى ممكن تعملها فى 10 دقايق طب هل الموضوع بالسهولة دى فعلا؟...... عشان تعرف الإجابة على السؤال ده كمل معايا للآخر.
• الموقع فيه طرق تانيه للربح ودى ممكن تكتشفها بنفسك أو تشوف أى حد شارحها عاليوتيوب بس قبل ماتتعب نفسك وتدور كتير أنا حابب أقولك إنها إما هتحتاج منك خبره أو هتحتاج منك مجهود كبييير وفى اللآخر هتلاقى مقابل ضعيف جدا عشان كده عايزك تكمل معايا للآخر عشان تاخد الزتونة بتاع الموقع ده من غير ماتضيع وقت كبير فى البحث.
•  
• رابط الموقع
• بالنسبة لرابط الموقع فانت عندك خيارين إما تبحث على جوجل أو تدخل على رابط الإحالة بتاعى وطبعا ليك كامل الحرية فى الاختيار: https://sproutgigs.com/?a=be2efdc7
• وفى الحالتين مش هتفرق معاك انت فى حاجة لكن لوانت استفدت من المقالة وقدرت تكسب من الموقع فعلا وده إن شاء الله يحصل ساعتها أنا كمان هستفيد لو انت مسجل من رابط الإحالة بتاعى. عشان مانطولش فى النقطة دى خلينا ندخل على النقطة اللى بعدها على طول وهى طريقة التسجيل فى الموقع.
•  
• التسجيل فى الموقع
• بعد ماندخل على الرابط اللى فوق  هتضغط طبعا على sign up وتبدأ تملى بياناتك للتسجيل وعمل حساب على الموقع ودى خطوات بسيطة وسهلة جدا هتلاقى ألف واحد شارحها على اليوتيوب بس أنا مش هقدر أشرحها فى المقالة دى عشان ماأطولش وهدخل فى المفيد بشكل مباشر إن شاء الله.
•  
• طريقة العمل على الموقع
• بالنسبة للطريقة اللى هنشتغل بيها على الموقع إن شاء الله فهى كالتالى:                                                                                                    
• أولا لازم  تكون مختار freelancer

 

• بعد كده من MicroJobs  هتختار Find Jobs

إنزل تحت شوية هتلاقى عدد كبير جدا من المهام . بس استنى ماتحاولش فى المهام اللى أسعارها عالية أوى زى 0.5$ مثلا أو أكثر عشان أنا حاولت فيها كتير جدا ومعرفتش وبحس إنها نصب. ممكن تجرب أى حاجة تانية عادى براحتك وكل ماهتدى للموقع وقت كل ماهتفهمه أكتر وتشتغل أكتر وبالتالى تكسب أكتر بس برضو مش ده اللى جاى أشرحه النهارده. أنا جاى أشرح النهارده الربح من مشاهدة الفيديوهات على الموقع واللى حرفيا هياخد منك نص ساعه يوميا أو أقل لو اشتغلت بالطريقة اللى هقوللك عليها بس خلى بالك أنا مش بوعدك بمبالغ ضخمه من مشاهدة فيديوهات لكن انت ممكن تعمل 2$ فى ساعة.

أفضل وأسرع مهمات للربح من مشاهدة الفيديوهات:

عشان توصل لمهمات الفيديوهات اللى هنشتغل عليها هتضغط على category ومنها تختار Video Marketing

• ودى بالظبط شكل المهمه اللى هنشتغل عليها كتير(اللى فيها like + share ) ودى بتكون ب0.07$

• طيب لو مالقتش كلمة share ، بتكون هى نفسها بالظبط بس مفيهاش إنك تعمل Share للفيديو ودى بتكون ب0.06$ يعنى مفيش فرق تقريبا.
• وبالنسبة لمهمات الفيديوهات التانية برضو عادى ممكن تجرب وتعرف ايه هتعرف تعمله وايه مش هتعرف بس أنا بقولك على أكتر مهام هتلاقيها وأكتر حاجه هتشتغل عليها وهتعمل منها ال1 أو 2 $ فى نص ساعه زى ماقولتلك.
•  
• طريقة أداء المهام بسرعة كبيرة:
• تعالى بقا عشان تعرف أنا ازاى بعمل المهام دى بسرعه كبيرة من اللاب وإزاى بلحق أعمل أكبر عدد منهم قبل مايخلصو:
• أولا: انت ممكن فى أى وقت تلاقى فى شغل نازل بس فى أوقات معينة هى اللى فيها احتمالية أكبر إنك لما تفتح تلاقى عدد كبير من المهام وهقولك على الأوقات دى فى اخر المقالة. خليك معايا بس.
• لو انت فى أى وقت فتحت ولقيت عدد من المهام وعايز تلحق تعمل أكبر عدد منهم قبل مايخلصو إبدأ اشتغل من تحت يعنى على سبيل المثال انت فتحت ولقيت كده:

أنا بالنسبالى طبعا بشتغل على مهام Like + share فهبدأ كده      

• طيب عشان تفهم ازاى بشتغلهم بسرعه شوف الفيديو ده وتابع باقى الشرح 

اضغط هنا لمشاهدة الفيديو

• نسيت أقولك إنك لما بتعمل Hold على المهمه بياخد منك مبلغ مقابل إنه يحفظ لك المهمه لفترة معينة حوالى 15 دقيقة مثللا عشان تبقى ضامن إنها مش هتروح عليك لكنه مبلغ بسيط جدا يكاد لايذكر يعنى عشان أنا كده أنا مش بيهمنى حتى لوعملت لكل التاسكات hold مفيش مشكله، بس خلى بالك مينفعش تعمل Hold لأكتر من مهمه فى وقت واحد.
•  
• طب ايه أكتر الأوقات اللى فيها شغل؟ (طبعا أقصد مهمات Like+ share يعنى)
• مبدأيا هى مش حاجة ثابته أوى لكن لو انت مش فاتح الموقع أغلب اليوم وبتعمل رفرش كده عشان لو مهمات نزلت تظهرلك وعايز تعرف ايه أكتر الأوقات اللى ممكن لما تفتح تلاقى شغل أو أكتر الأوقات اللى ممكن تفتح فيها وتستنى شغل ينزل فأنا هقوللك: 
• عندك المدة من قبل الظهر بساعه كده أو من الساعة 10 مثلا لغاية بعد العصر بساعة أو الساعة 5 تقريبا. بعد كده لغاية 2 أو 3 بالليل صعب تلاقى شغل اللهم إلا مهمه كل فين وفين يعنى أحيانا. أحيانا بقا قبل الفجر كده بساعة أو اتنين ممكن تلاقى شوية شغل نازلين كده بس للأسف بردو ده قليل أما يحصل. من بعد الفجر لغاية قبل الظهر بقا انت وحظك بردو. يعنى من الآخر كده أهم وقت هو من 10 أو 11 الصبح لغاية 5 بعد العصر.

الربح من استطلاعات الرأى

ودى الطريقة التانية اللى بكسب منها على الموقع لكن هى بصراحة قليل لما بلاقى استطلاعات كويسه بس أحيانا بتظهر استطلاعات بمبلغ حلو وبتبقا فرص.

• طيب بتظهر فين الاستطلاعات دى؟

بتظهر فوق على الشمال فى الموقع زى فى الصورة كده

• ظاهر فى الصورة استطلاع واحد جاهز إنك تعمله. بتضغط على كلمة Paid Survey وتختار اللى تلاقيه مناسب ليك (الوقت مقابل الأجر بتاعهم) لو فى أكتر من واحد. بس والموضوع سهل بقا بعد كده. 
•  
• فى نهاية المقال أحب أحذرك من حاجتين:

1. أول حاجة هى إن مينفعش تعمل أكتر من حساب من نفس الIP وهنا الIP تقريبا معناه الشبكة يعنى حتى لوعامل حسابين كل واحد على جهاز مختلف بس الاتنين واصلين على نفس الراوتر بردو غلط لإن ساعتها بعد ماهتشتغل وتعمل فلوس من الموقع فعلا هتلاقى الحسابين اتحظرو وده اللى حصل معايا فعلا فى الأول.
2. تانى حاجة هى إن مينفعش تستخدم VPN عشان ده بردو ممكن يعرض حسابك للحظر.