أخطر 5 تطبيقات ممكن تحط موبايلك تحت المراقبة من غير ما تحس
أخطر 5 تطبيقات ممكن تحط موبايلك تحت المراقبة من غير ما تحس
مقدمه
كل يوم بينزل تطبيق جديد علي متاجر التطبيقات عشان تسهل استخدامنا وتوفرلنا وقت في حجات كتير,وفي بعض التطبيقات الي تبان بسيطه ولاكن هي مخبيه جواها مصايب كتير , منها التطبيقات الي بتطلب منك صلاحيات اكبر من الي محتاجها ,ودي فرصه للمطورين المشبوهين انهم يتجسسو علينك ,يسرقو صورك ,رسايلك ,او حتي يراقبو مكالماتك ,هنا هنعرض اخطر 5 انواع تطبيقات لازم تاخد حذرك منها ,ونزودك بنصايح تفحص بيها التطبيقات دي قبل ما تثبتها .
تطبيقات “الكشاف / الفلاش” اللي تطلب صلاحيات كاميرا وملفات.
كثير من تطبيقات “الكشاف / الفلاش” بتطلب منك صلاحيا الكاميرا , وبعضهم بيطلب منك صلاحيات الوصول للميكروفون __ ولاكن ده مش منطقي نهائيا يعني أي تطبيق زي “الكشاف / الفلاش” يطلب منك صلاحيه كاميرا او مايكروفون الي لو هو عايزها لأغراض تانيه مشبوهه فا لو لقيت صلاحيات زايده عن الي هو محتاجها بلاش تديهالو ولو تقدر كمان بلاش تثبت التطبيق
تطبيقات VPN مجانية بتسجل كل حركة الإنترنت بتاعتك
بعض خدمات الـVPN المجانية بتبيع بيانات التصفح أو بتعمل Man-in-the-Middleوده نوع من الهجمات الألكترونيه بيكون فيها تطبيق ال vpn كا وسيط بينك وبين المتصفح وأي طلب وصول منك لأي موقع تطبيق الvpn بيعرفو.
وبيجمع كل المعلومات والبانات الي خدها منك ويبعها لشركات معينه فا قبل ما تستخدم أي تطبيق vpn ياريت تشوف مرجعات عنو وتشوف سمعتو بين المستخدمين او المبرمجين افضل لأنهم بيكونو فهمين التطبيقات عموما
تطبيقات “تنظيف الجهاز” أو “توفير البطارية” اللي بتنزل برامج إضافية
بعض التطبيقات الي بتكون معموله عشان تعمل تنظيف للجهاز او بيتدعو انو تطبيق لتنظيف الجهاز بتكون في الأصل تطبيقات وهميه ملهاش اي لزمه كل الي بتعملو انها بتنزل ملفات خبيثه علي جهازك وبتاخد صلاحيات للنظام عشان تظهرلك اعلانات بدون أي اذن منك وفي بعض الأحيان بيتم سرقه بياناتك وبيعها لبعض الشركات فا الأفضل انك تشوف التقييمات بتاعت التطبيق وتشوف مراجعات للتطبيق وهل الناس حست بفرق بعد استخدام التطبيق ولا لا
تطبيقات الألعاب من مصادر خارجية (APK غير موثوقة)
تحميل العاب او تطبيقات بصيغه apk من خارج المتجر الرسمي شئ خطر جدا لأن معظمهم هيكون فيهم فيروثات خبيثه عشان تخترق جهازك او تسرق معلوماتك الأفضل انك تحمل التطبيقات من المتاجر الرسميه لجهازك ولو انت مصر انك تحمل تطبيق apk من خارج المتجل ممكن تشوف طريقه فحص الملفات والمواقع الخبيثه من هنا .
تطبيقات تعدّدت حساباتها بنفس الإسم أو نسخة مقلدة من تطبيقات مشهورة
المحتالو بيعملو نسخ مزيفه او مقلده من تطبيقات معروفه زي تطبيقات البنوك او مواقع مشهوره بنفس الأسم والشكل وكل حاجه ولاكن مع صلاحيات زايده طبعا وهنا الخطوره بتتحسب علي حسب التطبيق يعني لو تطبيق بنكي فده هيأدي الي سرقه معلوماتك البنكيه وهاكذا مع باقي التطبيقات والمواقع فا قبل ما تدخل او تحمل أي برنامج او موقع اتأكد انك داخل علي النسخه الأصليه يعني لو تطبيق اتأكد انو التطبيق الأصلي مش مقلد ولو موقع اتأكد من الدومين الخاص بي ولو عندك موقع شاكك انو موقع يحمل برامج خبيثه ممكن تشوف طريقه فحص المواقع الخبيثه من هنا
إزاي تفحص التطبيق قبل ما تثبّته (خطوات سريعة)
اقرأ الصلاحيات بدقه : يعني لو التطبيق بيطلب منك صلاحيات ,كاميرا ,مايكروفون ,SMS ,وهو فعليا مش هيستخدمهم او مش وظيفه من وظايف اصلا فا بلاش تديلو الصلاحيات ولو انت مش محتاج التطبيق فا الأفضل انك تحذفو
التقييمات والتعليقات : قبل ما تحمل أي تطبيق خش علي تقييما و التعليقات الي علي لو لقيت التقييمات مبشره والتعليقات معظمها ايجابيه فا تمام التطبيق بنسبه كبيره امن انما لو لقيت حد بيشتكو من "اعلانات مزعجه"او "سرقه بيانات" فا اوعي تثبتو ابدا
فحص الملفات والمواقع : استخدم ادا موثوقه لفحص الملفات والمواقع المشبوهه هيساعدك انك تشوف هل الملف او الموقع ده امن ولا لا ولو حابب تشوف اداه للفحص شوف من هنا
