جرافيك ديزاين من الصفر graphic design
جرافيك ديزاين من الصفر
graphic design
لو عايز تبقى graphic designer محترررف ييبقى لازم تعرف
إيه هو اصلا مجال الجرافيك ديزاين ؟ وإيه هي تخصصاته ؟ 🤔
الجرافيك ديزاين هو فن أو مهارة بتجمع فيها بين الفن و التواصل البصري و التكنولوجيا.
وظيفته إنك توصل فكرة أو رسالة من خلال تصميم بصري انت ال بتبتكره وبتبدع فيه من خلال (الصور، الألوان، الخطوط،الأشكال).
طبعا المجال واسع جدًا جدًا وبيتفرع منه تخصصات كتير زي:
• Branding (تصميم الهوية البصرية – لوجو، ألوان، هوية كاملة).
• Social Media Design (بوستات وإعلانات على السوشيال).
• UI/UX (تصميم واجهات المواقع والتطبيقات).
• Motion Graphics (الرسوم المتحركة والإعلانات المتحركة).
• Print Design (فلاير، بوسترات، كروت شخصية).
• •••••••••••• غيره كتير.
---
طب ازاي ابدأ graphic design واتعلمه من الصفر وكمان ابقى محترف فيه ؟🤔
اولا: فهم الأساسيات:
لازم تفهم كويس:
_مبادئ التصميم (الألوان، الخطوط، التوازن، التباين).
_نظرية الألوان وعلاقتها بالتصميم.
_التايبوجرافي (Typography).
ثانيًا: تعلم البرامج الأساسية:
Adobe Photoshop (تعديل الصور والتصاميم).
Adobe Illustrator (اللوجوهات والفيكتور).
ممكن تبدأ كمان بـ Canva كبداية بسيطة لو عايز تدخل في المجال بسرعة.
ثالثًا: تطبيق عملي:
• صمّم لنفسك مشاريع وهمية (لوجو لمطعم تخيلي، بوست لإعلان، كوفر لمجلة).
لازم تتبقى مبدع و مبتكر ودا طبعا هييجي مع الصبر والاستمرارية مع الوقت.
• اعمل بورتفوليو (Portfolio) خاص بيك وحط فيه شغلك.
رابعًا: طور نفسك في مجال محدد:
بعد ما تجرب الأساسيات، اختار تخصص (مثلاً: سوشيال ميديا – براندنج – موشن) وركز عليه كويس جداً
واسعى دايما ل انك تبقى professional في مجالك وتخصصك وتكون فعلا مبدع فيه.
---
طب ابدأ ازاي وابدأ منين !! 🤔
دلوقتي هعرض ليك أفضل الكورسات والمنصات ال هتساعدك كتير في تعليم الجرافيك دازاين :
كورسات باللغة العربية :
_ قناة Elzero Web School (مش بس ويب، عنده أساسيات تصميم).
_ Free Courses on YouTube: مثل قناة "احمد ابو زيد - دروس فوتوشوب".
_ أكاديمية Etadreeb و Coursera بالعربي.
كورسات باللغات الأجنبية :
_ Coursera (Graphic Design Specialization by CalArts).
_ Udemy (Graphic Design Masterclass – محتوى عملي جدًا).
_ Skillshare (كورسات قصيرة ومباشرة).
ودي منصات مجانية تمامًا :
_ Canva Design School (مجانًا، دروس عن التصميم).
_ Envato Tuts+ (مقالات وفيديوهات تعليمية).
---
وطبعا في صناع محتوى مفيدين جدًا جدًا بردو (عربي/أجنبي):
عربي :
_ Mostafa Makram TV (قوي في فوتوشوب).
_ Mahmoud Adel (تصميم سوشيال ميديا).
_ Mohamed Taha (موشن جرافيك).
أجنبي :
_ The Futur (قناة قوية جدًا في التعليم + بيزنس الديزاين).
_ Satori Graphics (فوتوشوب + اليستريتور).
_ Yes I'm a Designer (دروس احترافية).
---
💰 وطبعا بالنسبة لأرباح مجال ال graphic design فهي ممتازة جدًا جدًا 💸💰
لازم تعرف إن الجرافيك ديزاين مطلوب جدًا في سوق العمل اليومين دول سواء في:
شغل حر (Freelance) على منصات زي Upwork, Fiverr, Mostaql, Khamsat.
أو وظائف ثابتة في شركات إعلانات، سوشيال ميديا، براندنج.
بالتالى كل ما تحترف اكتر وتعرف تسوق لنفسك اكتر كل ما هتعرف تعمل دخل اعلى.
💵 و المرتبات والأرباح بتعتمد على:
• مستواك + خبرتك.
• تخصصك (الموشن والـ UI/UX أغلى من السوشيال ميديا غالبًا).
• قدرتك إنك تسوّق لنفسك وتبني بورتفوليو خاص بيك يكون قوي.
في البداية ممكن تكون الأرباح متوسطة، لكن مع الخبرة والعمل الحر أكيد بتوصل لمرتبات ممتازة جدًا جدًا. وبالتوفيق إن شاء الله 😀🤍
خليك عارف انك مبدع بس انت بس محتاج إنك تجرب وتعافر مش يمكن تكون دي موهبة من ربنا ليك هيفتحلك بيها ابواب رزق كتيرررر خاصة في الحاجة ال انت بتحبها 🤩💰💸
يلا ابدأ مستنى ايه!!
بس خليك فاكر لازم تصبر + تعافر + تستمر وبإذن الله ربنا هيكرمك المهم متيأسش ومتملش
عالم ال graphic design مستنيك يا مبددددع 🤍🤩
وبجد تتقدر تكسب منه كتيررر.
