النكش بدأ شركة FLAHSHIP تحت ال 280 دولار؟؟
Infinix Note 50s 5G... لما الشركة تقرر "تنكش" السوق بكل هدوء
في وقت كل شركة بتحاول تحافظ على مكانها في السوق، وتبص لمنافسيها من بعيد، Infinix قررت تدخل بالسهل الممتنع... موبايل شكله هادي، بس رسالته واضحة:
"أنا هنا وجاي أخبط وأٍسمع."
الجهاز ده مش مجرد تطوير للنسخة العادية، ده موبايل شكله بيقول "فاهم كل نقطة ضعف في الأجهزة اللي حواليني... وجاي أستغلها."
شاشة... تخطف العين من أول نظرة
في عالم الشاشات، أغلب الشركات لسه بتفكر تقدم AMOLED ولا لأ؟ عشان التكلفة طبعاا وعشان السوق
Infinix دخلت وقالت: مش بس AMOLED، لا وكمان شاشة 6.78 بوصة، FHD+، AMOLED، بمعدل تحديث 144Hz طلقة!!، وسطوع يوصل 1300 شمعة.
يعني سواء بتتفرج على فيديو، بتلعب، أو بتتصفح تحت الشمس، الصورة نضيفة، ناعمة، وماشية بسلاسة أكتر من اللي تتوقعه في السعر ده.
أداء؟ ده جهاز عايش في سنة قدام
المعالج هنا MediaTek Dimensity 6300 Ultimate بدقة تصنيع 4 نانومتر، يعني توفير طاقة، وسرعة في فتح أي حاجة.
تجربة الاستخدام مش مجرد “ماشية”، لأ… دي طيااره.
ومع رام 8 جيجا + 8 إضافي (رام ديناميكي)، وذاكرة UFS 2.2 بسعة 256 جيجا، أنت حرفيًا ماسك في إيدك جهاز
مش محتاج ترقيه قريب.
بطارية تنكد على الشاحن
بطارية 5000 مللي أمبير مع شحن سريع 45 واط وتقنية Bypass Charging – يعني تشحن وتلعب من غير ما يسخن الجهاز.
مفيش لعبة هتخلص بطاريتك بسرعة، ولا يومك هيقف علشان تشحن.
الكاميرات... اتكلم بأرقام وبتفاصيل
خلفية 64 ميجا بيكسل من سوني (IMX682)، وسيلفي 13 ميجا بيكسل.
تصوير ثابت OIS، تفاصيل حلوة، ودعم 4K فيديو.
مش هتقول واو على الفاضي، بس الصور هتطلع نظيفة وكأنها من جهاز أغلى.
الصوت... هنا بقى النكشة الحقيقية
سماعتين ستيريو، والصوت نقي وواضح، خصوصًا لما تكون بتتفرج على فيديو أو بتلعب.
جرب ده جنب أجهزة في نفس السعر، وهتفهم ليه بنقول إن Infinix "بتنكش".
التصميم مش بس شكل... ده قوة
مقاومة غبار ورذاذ بمعيار IP64
اختبار تحمل بمعيار MIL-STD-810H (حماية عسكرية)
بصمة سريعة في الجنب
تصميم أنيق وخامات تمسك الجهاز تقول عليه محترم من أول لمسة
أحدث أندرويد؟
الجهاز شغّال بـ Android 14 من أول يوم، مع واجهة XOS 13.6، ووعد رسمي بتحديثين رئيسيين.
يعني هتشوف Android 15 و16، وانت قاعد في أمان الله، من غير ما تدور على روم معدل ولا تحايل.
هل الجهاز ده تقيل كده بجد؟
آه، تقيل.
بس مش بالتقليد أو بالمنظرة، تقيل باللي بيقدمه فعلًا:
شاشة محترمة
أداء قوي
تخزين سريع
تجربة صوت كاملة
كاميرات متوازنة
دعم 5G حقيقي
يعني لو الشركات التانية ناوية تنزل جهاز في نفس الفئة، لازم تراجع أوراقها.
السعر؟ مفاجأة في السوق المصري
الجهاز نزل رسميًا في مصر بسعر حوالي 12,666 جنيه للنسخة 256/8 جيجا، ومعاه هدية سماعة XE33 كمان.
وده رقم قليل جدًا مقارنة بحجم اللي بتاخده فعلًا.
