الربح من الذكاء الاصطناعي دون أن تكون مبرمج
كيفية الربح من الذكاء الاصطناعي دون أن تكون مبرمج
من فترة مش بعيدة، كنت بسمع عن الذكاء الاصطناعي في كل مكان، بس بصراحة كنت فاكر إنه حاجة معقدة ومش ليا، مفيش خلفية تقنية، لا برمجة ولا تصميم، وعمري ما اشتغلت في مجال التكنولوجيا.،بس الفضول خلاني أبدأ أقرأ شوية، وبعدين الشوية دول قلبوا حياتي.
في يوم قابلت صديقه كانت بتستخدم أداة اسمها "ChatGPT" لكتابة محتوى وتسويقه على الإنترنت. قلت أجرب. دخلت، وسألت الأداة تكتبلي مقال بسيط عن “توفير المال”،أتصدمت من النتيجة، المقال طالع مرتب وكأن حد محترف كاتبه.
بدأت أستخدم الأداة دي بشكل شبه يومي أول فكرة جتلي إني أقدم خدمات كتابة على مواقع العمل الحر زي خمسات ومستقل فعلاً، عملت حساب، ونزلت أول خدمة “كتابة مقالات باستخدام أدوات الذكاء الاصطناعي مع تنسيق يدوي” المفاجأة؟ أول طلب جالي بعد 3 أيام بس.
ومش بس كده، بدأت أتعلم أداة تانية بتحول النص لصورة، اسمها DALL·E،بقيت أستخدمها في تصميم صور لمقالات العملاء أو حتى منشورات السوشيال ميديا،كنت بشتغل من موبايلي، وفي أوقات فاضية، وبدون رأس مال.
بعد شهرين، بقيت بدخل مبلغ شهري بسيط بس ثابت، وده شجعني أتعلم أكتر،بدأت أقدم خدمات كتابة إعلانات، سكريبتات لفيديوهات، وأفكار محتوى كله باستخدام أدوات الذكاء الاصطناعي، وبلمستي الخاصة في التعديل والتحسين.
إيه اللي اتعلمته؟ مش لازم تكون مبرمج علشان تبدأ، الذكاء الاصطناعي مش بياخد شغلك، هو بيساعدك تشتغل أسرع وأذكى، لو عندك وقت فاضي وشوية رغبة، تقدرتبدأ من النهاردة
هل الربح سهل فعلًا؟
الربح مش دايمًا سهل، لكن الذكاء الاصطناعي خلى البداية أسهل بكتير. في الأول، كنت بواجه صعوبات زي إن بعض العملاء مش واثقين في أدوات الذكاء الاصطناعي، فكنت لازم أشرح وأثبت إن الجودة عالية، خصوصًا لما أراجع وأعدل بإيدي. وده فرقني عن غيري اللي بيستخدم الأدوات بدون أي لمسة شخصية.
بدأت أوسّع شغلي شوية شوية. دخلت مجال تصميم الفيديو، استخدمت أدوات بتحول النص لفيديو تلقائي، وبقيت أعمل فيديوهات تسويقية بسيطة للعملاء،كل ده بدون أي خلفية تقنية، وكل اللي عملته إني خصصت وقت أتعلم وأجرب.
خطوتك الجاية؟
ابدأ بأداة واحدة بس، زي ChatGPT أو أداة تصميم صور. اختار مهارة تحبها، وابدأ تطور نفسك فيها. افتح حساب على موقع فريلانسر، وحط أول خدمة حتى لو بسعر رمزي، هتتفاجأ قد إيه فيه ناس بتدور على خدمات زي دي.
الخلاصة
أنا واحدة عاديه، بدأت بدون خبرة، وقدرت أحقق دخل حقيقي باستخدام أدوات مجانية أو رخيصة،لو بتفكر تبدأ، أنصحك تجرب خطوة بسيطة، زي كتابة مقال أو تصميم صورة. يمكن تكتشف إن مستقبلك فيه أكتر مما كنت متخيل من نجاح وربح بس مطلوب اجتهاد واستمررية ومزيد من التعلم في هذه المجالات.
