تعرف علي معاني اشهر مصطلحات السوشيال ميديا

معاني مصطلحات السوشيال ميديا

بنسمع مصطلحات كتير جدا على السوشيال ميديا الفترة دي، واللي تعتبر غريبة على بعضنا إلى حد ما، فا هنتكلم النهاردة عن بعض من المصطلحات دي وهنعرف معنى كل واحد منهم.

معنى ريل في السوشيال ميديا

كلمة ريل هي كلمة انجليزية (real)، وترجمة الكلمة هي حقيقي، يعني بتتقال للناس الواقعية، وتعتبر كلمة شكر إلى حد ما يعني لو حد قالك الكلمة دي بيبقا قاصد به اني كلامك حقيقي وواقعي.

معنى بترول في السوشيال ميديا

كلمة بترول بتستخدم على السوشيال للسخرية، يعني مثلا لو حد قالك انا بترول عليك يقصد هنا انه بيسخر منك، وهي تعتبر من الكلمات اللي بتستخدم للإهانة.

معنى Nigga في السوشيال ميديا

كلمة Nigge بيستخدمه الأفارقة وبالتحديد اللي عايشين في الخارج، وبيتم استخدمها بينهم كاطريقة للنداء على بعض، والمعنى الحرفي للكلمة عندهم يا زميلي او يا صديقي، وبتنطق بالعربي نيجا، وفي أوقات بيتم استخدامها على السوشيال ميديا كسخرية وعنصرية من لون البشرة.

معني نرم في السوشيال ميديا

المعنى الحرفي لكلمة نرم على السوشيال ميديا هو قديم، وبيتم استخدمها للإشارة للشخص القديم واللي مش عارف شئ عن الجديد وعالمنا الحالي، وهي بتعتبر سخرية من الشخص.

معني سيمب في السوشيال ميديا

كلمة سيمب بيتم استخدامها على السوشيال للسخرية من الشخص اللي هو مثلا لو شاف بوست للبنت بيدخل يمدح فيها في الكومنتات حتى لو كلمها غلط، أو بمعنى أصح... اكيد فهمته المعنى

معنى كرنج في السوشيال ميديا

كرنج بيتم استخدامها على السوشيال ميديا لما شخص بيشعر بالاشمزاز من فعل شخص تأني أو ما لشخص نفسه، يعني المعنى الحرفي ليها انك حاسس بالاشمزاز.

معنى لول في السوشيال ميديا

هي كلمة انجليزية ترجمتها بضحك بصوت عالي، شباب السوشيال ميديا بيستخدموها لما بيسمعو حاجة مضحكة، وممكن يستخدموها للسخرية من كلام شخص تاني.

معنى سندال في السوشيال ميديا

كلمة سندال تعتبر من كلمات الشكر على السوشيال ميديا، وبتتقال على الشخص الجدع اللي ليه مواقف كتيره كويسة معاك، يعني مثلا لو سمعت حد بيقول "الواد ده سندال" يقصد بيها انه جدع ورجولة.

معنى توكسيك في السوشيال ميديا

كلمة توكسيك هي كلمة انجليزي، بتتقال على الشخص المستغل او بمعنى أصح بتاع مصلحته والشخص النرجسي اللي مش بيفكر غير في نفسه، يعني تعتبر كلمة بتوصف كل الصفات السيئة اللي في الشخص اللي قدامك، يعني مثلا لما بيتقال "العلاقة دي توكسيك" المعنى هو انها علاقة ليس إلا للمصلحة.

لحد هنا نكون وصلنا لنهاية المقالة اتمنا اني المقالة تكون عجبتكم، ومتنساش المتابعة والسلام عليكم ورحمه الله وبركاته.