الفرق بين التسويق الرقمي والتسويق التقليدي
الفرق بين التسويق الرقمي والتسويق التقليدي
هل عمرك سألت نفسك ليه بعض الإعلانات بتوصلني في الوقت والمكان الصح
لكن غيرها بيعدّي من غير ما آخد بالي؟
الحقيقة إن الفرق مش دايمًا في جودة المنتج أو الخدمة لكن في الطريقة اللي بيتم تسويقها بيها
وهنا بييجي السؤال المهم
✅إيه الفرق بين التسويق الرقمي والتسويق التقليدي؟
زمان كان التسويق بيعتمد على وسائل معروفة زي التلفزيون- الراديو- الجرائد والإعلانات اللي بتتشاف في الشوارع
الإعلان كان بيتكلف كتير وبيوصل لعدد كبير من الناس بس من غير ما نعرف مين المهتم فعلًا ومين لأ
ده اللي بنسميه التسويق التقليدي
في الناحية التانية التسويق الرقمي ظهر مع تطور الإنترنت والسوشيال ميديا
بقى فيه طرق نقدر نوصل بيها لجمهورنا المستهدف بدقة وبأقل تكلفة وفي وقت أسرع.
نقدر نقيّم النتائج لحظة بلحظة ونعرف الإعلان ده جاب نتيجة ولا لأ
✅أهم الفروق بين النوعين
١. طريقة الوصول للجمهور
التسويق التقليدي بيخاطب الكل وبيعتمد على إن الرسالة توصلك وانت ماشي في الشارع أو بتتفرج على التلفزيون أما التسويق الرقمي فبيخاطبك انت تحديدًا فهو يعتمد على اهتماماتك وسلوكك على الإنترنت
٢. التكلفة
إعلانات الجرائد أو الراديو مكلفة جدًا خصوصًا لو كانت في أماكن أو أوقات مميزة
لكن التسويق الرقمي ممكن تبدأ فيه بإعلانات بسيطة جدًا وبميزانية صغيرة وتشوف النتيجة في وقت قصير
٣. التفاعل والقياس
في التسويق التقليدي صعب تعرف الإعلان أثّر في كام شخص أو كام واحد مهتم
أما في التسويق الرقمي كل حاجة قابلة للقياس بتعرف عدد المشاهدات - عدد النقرات - عدد العملاء اللي اتحولوا من مشاهدين لزبائن
٤. الوقت والمرونة
الإعلان التقليدي محتاج وقت طويل للتجهيز ومش سهل تعديله بعد النشر
لكن الرقمي تقدر تعدل وتغيّر الرسالة أو التصميم في أي وقت حسب رد فعل الجمهور
٥. العلاقة مع العميل
التسويق التقليدي بيكون فيه المعلن بس بيتكلم و مفيش مشاركة من المعلن له يعنى الناس بتسمع و محدش بيرد او يتفاعل
لكن في التسويق الرقمي العميل ليه صوت يقدر يعلّق- يسأل- ويشارك رأيه وده بيخلى العلاقة أقرب وأقوى بينه وبين البراند
✅طيب نختار أنهي نوع؟
الحقيقة مفيش إجابة واحدة
كل نوع ليه مكانه
ونجاح أي حملة تسويقية بيعتمد على دمج الاتنين بشكل ذكي
يعني ممكن تستخدم إعلان تقليدي علشان توصل لناس مش موجودين على الإنترنت كتير
وفي نفس الوقت تكمّله بحملة رقمية توصلك لجمهورك المستهدف بدقة
✅الخلاصة
التطور اللي حصل في عالم التسويق ماكانش مجرد تغيير في الأدوات لكن كان تغيير في طريقة التفكير نفسها
بقينا نقدر نسمع لعملائنا ونقيس رد فعلهم ونطور من خدماتنا بناءً على كلامهم
وده الفرق الحقيقي اللي خلى التسويق الرقمي مش مجرد بديل لا دى أداة لا غنى عنها لأي براند عايز ينمو ويتطور
اللي ينجح دلوقتي مش اللي بيصرخ بأعلى صوت لا اللى بينحج اللي بيعرف يقول الكلمة الصح للشخص الصح في الوقت الصح
و سواء كنت صاحب مشروع صغير أو شغال في شركة كبيرة أو حتى بتبدأ رحلتك في مجال التسويق
لازم تكون فاهم الفرق بين التسويق الرقمي والتقليدي وتعرف إمتى تستخدم كل واحد فيهم بالشكل الصح
لو عندك فكرة مشروع أو بتفكر تبدأ تسوّق لنفسك أو لخدمتك ومحتار تبدأ منين
ممكن نتكلم سوا ونشوف إيه أفضل الطرق اللي تناسبك
تواصل معايا من خلال الرسائل أو الكومنتات
