1xbet الربح من وطريقك نحو الفقر
على مدار التاريخ كان في علاقه راسخه بين الجهد الذي يبذله الشخص وبين المال او الفلوس التي يكسبها
فبذل الجهد ايا كان نوعه كان هو الطريق الامثل والاساسيه لكتساب المال علشان كده واحده من اشهر التعريفات لفكره الشغل او العمل هي انه عباره عن نموذج للفرد يستبدل فيه طاقته ووقته مقابل مكافاه ماليه معينه وبشكل عام نستطيع ان نقول انه في علاقه طرديه بين مقدار الجهد للشخص الذي يبذله ونوعيته وما بين حجم الفلوس التي يكسبها
لكن في العقود الاخيره بدأت تظهر محاولات للقفز فوق العلاقه الراسخه هذه بين الجهد والمال
والشيء المشترك بين هذه المحاولات هي البحث عن طريقة سهلة وسريعه لكسب المال وصناعه الثروات الفاحشة
والظاهره دي لها جمهور كبير جدا ولكن ابرز فئتين في الجمهور ده هما الشباب الصغير ومحدود الدخل الفئتين دول بيحاولوا يلاقوا اختصارات سريعه تمكنهم من كسب فلوس كتير في وقت صغير وفي الحقيقه ما فيش حاجه افضل من كده اي انسان يحب ان يكسب فلوس كتير في وقت صغير
ولو استبعدنا وسائل زي السرقه او النصب فحرفيا احتماليه انك تكسب فلوس كتير في وقت قصير بدون مجهود كبير او استثنائي هي احتماليه ضعيفه جدا جدا انت ممكن تكسب فلوس بسرعه وغالبا مش هتكون فلوس كثيره لكن في المقابل صعب جدا انك تبني ثروه بسرعه
اصحاب الثروات الغير موروثة احتاجوا وقت مش قليل ومجهود كبير علشان يبنوا ثرواتهم دي وفي نفس الوقت الناس دي في الواقع قله قليله ناجحه من ضمن ناس كتير مشيت في نفس الطريق وفشلت او ما حققتش نفس النجاح بنكون وكلنا نحب نكون اغنياء وعندنا ثروة طائلة ولكن مش كلنا بننجح فى تحقيق ذكل ودي المفروض انها بديهيات كلنا عارفينها .
لكن بشكل ما البعض بيتجاهل البديهيات والحقائق دي وبيحاول يتحداها بشكل يائس تحت تحت تاثير احلام غير واقعيه بامكانيه تحقيق الثراء السريع .
والاحلام دي بيغذيها ناس شغلنتها بيع الوهم بالتحديد لانها عارفه ان لو زباين كتير واثناء ما ان البعض يجري وراء السراب ده يقع فريسه سهله جدا للنصب والاحتيال والوعود الكاذبه التى مش بس لا تكسبه فلوس وانما كمان بتفقروه وتضيع فلوسه وتزود ديونه وهتتسبب في اصابته بالحزن والاكتئاب وفي بعض الاحيان بتقود نحو الانتحار.
وعود الثراء السريع مرتبطه باساليب كثير ولكن واحد من اشهر الاساليب دي واحدثها ظهورا على الساحه هي تطبيقات المراهنات او القمار مثا 1xbet اللي انتشرت بقوه على الانترنت خلال السنين الاخيره
والتطبيقات دي فكرتها باختصار انها بتسمح لمستخدميها يدخلوا فى مراهنات بفلوس ضد بعض ويتوقعوا خلالها الاحداث الرياضيه من الاخر كده صاله قمار بالضبط بمعنى الكلمة بس اون لاين والادهى من ذلك هناك العاب اخرى مبنيه على الحظ .
وبالرغم انه هذه التطبيقات غير قانونيه في معظم دول الشرق الاوسط الا انها بقت منتشره بشكل كبير جدا عندنا ولها جمهور كبير ولماذا ؟ لانه في ناس كتير بتسعى تكسب فلوس كتير من خلالها وشايفه دي طريقه سهله وسريعه ولكن في حقيقه الامر انه ناس كتير ما يعرفوش ان التطبيقات المراهنه والقمار من اغبى وافشل الطرق لكسب المال لو فاكر انك هتعرف تكسب فلوس من 1xbet مثلا او تحقق ثروه من التطبيقات دي فانت بنسبه كبيره موهوم ومش فاهم اللعبه اللى انت جواها وفكر بذكاء ولا تحسب نفسك انك الاذكى فى العالم .
وتحاول جاهدا هنا وهناك للربح من 1xbet ,وان تكةن فريسة سهلة للنصابين من امثال شرح استراتيجيات للربح والجرى وراء سكربتات وهمية .
